Ginustong magpanggap na bulag at bingi ni Janet mula nang gabing iyon. Ayaw niyang maging isang martyr na asawa, ngunit saan ba siya lulugar kung sa umpisa pa lamang ay siya naman na talaga ang 'epal' sa kanilang buhay? Na siya talaga itong nanira sa maganda sanang samahan ng dalawa. Na si Niccola naman talaga ang dapat na may dala ng apelyido ni Warren at hindi siya.
Tila may bagay sa kaniyang lalamunan na hindi niya malunok-lunok nang walang anumang nagsimulang kumain ang dalawa at sinabayan siya. Sa kaniyang harapan ay naglalambingan ang dalawa at maya't maya pang magtatagpo ang mga labi.
At siya, Si Janet Silvano-Ancheta na suot-suot ng kanilang wedding ring ay naroon at pilit na nilulunok ang kinakain. Naroon at parang tanga at masokistang nakamasid kung paano kuminang ang engagem
