NGINITIAN ni Iñaki si Isabel na mukhang pagod ngunit parang hindi pa rin nababawasan ang ganda. Mas tumingkad ang ganda na iyon nang magliwanag ang buong mukha nito sa kasiyahan.
“Flowers! For me?” nakangiti nitong tanong
Banayad na inudyukan ni Iñaki na lumapit si Gilbert sa ina. Tangan nito ang isang pumpon ng bulaklak. Siya ang sumundo sa bata sa unit dahil na-extend ang oras ng taping ni Isabel. They were going to have a special dinner tonight.
“For you, Mommy,” ang sabi ni Gilbert habang inaabot sa ina ang mga bulaklak.
“Thank you, baby. I love it.” Matapos hagkan ni Isabel ang anak ay si Iñaki naman ang hinagkan nito sa pisngi. “Thank you.”
“Walang anuman,” tugon niya habang iginigiya ang mag-ina sa kanyang sasakyan. Pinauna nang pinauwi ni Isabel ang personal assistant at dri
