“YOU LOOK funny, Yaya.”
Nilingon ni AJ si Gilbert na natagpuan niyang mataman na nakatingin sa kanya. Bahagyang nagsasalubong ang mumunti nitong mga kilay sa pagtataka. Sinikap niyang ngitian ang alaga. Hinaplos-haplos niya ang buhok nito na kailangan nang pagupitan. Noon lang niya nabatid na napalapit na sa kanyang puso ang bata. Hindi niya inakala.
Kanina pa iniisip ni AJ kung paano sasabihin kay Madam Isabel ang tungkol sa sinabi ng guidance counselor sa kanya. Naisip niya na sabihin muna ang lahat kay Ate Ana at ito na ang bahalang magsabi kay Madam Isabel. Hindi naman sa ipinapasa niya ang responsibilidad. Mas matagal lang itong nagtatrabaho sa tahanan ng mga Briones. Mas kabisado nito ang mood ng kanilang amo. Maaari rin niyang samahan si Ate Ana sa pagharap kay Madam Isabel. Kina
