Cassandra POV
SUMAPIT ang gabi ay hindi pa rin nagigising si tatay. Sobra na akong nag aalala. Tapos na syang salinan ng dugo at banayad naman ang kanyang paghinga. Hindi ko iniiwan si tatay sa kwarto nya. Hindi ko talaga sya iiwan hanggang hindi sya nagigising. Si Tito Ferdie at Lalay ay umuwi muna para magpahinga. Si Lalay ay may pasok sa factory dahil panggabi sya. Babalik na lang daw sya bukas dito para masamahan ako. Si Tito Ferdie naman ay babalik rin dito bukas pagkagaling nya sa palengke.
"Baby."
Nilingon ko si Mannox na pumasok. Lumapit sya sa akin at tumabi. Nilapag nya sa tabi ko ang plastic bag na may lamang paper box ng pagkain.
"Binilhan kita ng pagkain. Hindi kita masasabayan sa pagkain dahil inaasahan ako ni mama sa mansion."
Ngumiti ako sa kanya. "Ayos lang daddy."
