Dalawang araw makalipas maganap ang halik na iyon, ay hindi nagtagpo ang landas nila ni Yuel. Talagang iniiwasan niya ito. Kapag nakikita siya nito ay naaalala niya ang mga naganap na iyon sa party.
"Arrgh!" Inis niyang ungol nang maalala na naman iyon habang dinidiligan ang mga alaga niyang halaman nang umagang iyon.
"Ayos ka lang Losang? Mukhang inis na inis ka ha?" Napatingin siya Nard na ngayon ay lumapit sa kanya.
"Okay lang naman ako. May naalala lang ako."
"Ganun ba? Oy may sasabihin pala ako." Tsismosong bulong nito.
"Ano naman iyon? "
"Alam mo ba noong isang araw nilinis ko ang kotse ni Senorito Yuel. Ang daming suka. Ang baho baho. Hindi ko alam kung suka iyon ni Senorito o ng babae nito."
Napangiwi si Losang at pilit na ngumiti.
"Talaga? Grabe naman," pakikisakay niya s
