"Ano ba 'yan! Ang hirap maging pandak." Patalon talon si Losang sa upuan na tinutuntungan. Hindi kasi niya mailagay ang hawak na pangdekorasyon sa mataas na parte. Dahil sa kakatalon ay naging dahilan iyon para mawalan siya ng balanse.
Matinis na sigaw niya ang pumunit sa buong mansion nang akala niya ay dire diretso siya sa matigas na sahig. Napapikit na lamang siya ng mariin. Ngunit may mga matitigas na bisig ang sumalo sa kanya, mga bisig ng kung sino man ay lubos niyang pinapasalamatan. Marahan niyang iminulat ang mga mata at nagtama ang paningin nila ng taong nakasalo sa kanya.
"Y-Yuel.." nauutal niyang sabi. Seryoso ang mukha nito, ng may bahid ng pag aalala? Nag aalala ba sa kanya ang kumag na 'to?
malapit na malapit ang titig nila sa isa't isa kaya kitang kita niya ang bahagyang
