Dahil sa napagod si Losang sa buong maghapong pag gagala nila ni Matrix, kaya nang umuwi siya ay parang lantang gulay na siya. Pinagbuksan pa siya ng pinto ni Matrix nang makahinto na sa drive way ang kotse. Talagang hinatid pa siya nito, napaka sweet talaga ni Matrix, sinong babae ang hindi magkakagusto dito?
Nagtatawanan pa sila ng binata nang naglalakad na sila papasok sa daan patungo sa maid's quarter.
"Dito na lang po ako Sir," aniya at huminto sa paglalakad.
"Sige, papasok din ako sa mansion para makapag Hi kina Tita," sagot naman ng binata na abot tenga ang ngiti. Jusko! Kung patuloy na ganito ngumiti ang lalaking ito, baka ang puso niya ay mag went hoops.
"Losang?"
"Po?"
Grabe, hindi na niya napansin na naka-shock lamang siya sa binata magmula kanina.
"Ang sabi ko, papasok
