“Charmaine…I’m sorry…akala ko kasi si…” Putol-putol ang pagsasalita ni Althea. Nagpalipat-lipat din ang tingin niya sa amin ng kapatid ko.
At imbes na makipagtitigan ako sa kanya, ang kapatid ko ang tinitigan ko na pulang-pula pa rin ang mukha at nangingig sa galit. Parang hindi pa siya kontento sa ginawa niya kay Althea. Kuyom pa kasi ang kamao niya at nanlilisik ang mga mata.
Nagulat ako. Ngayon ko lang siya nakita na ganito katapang. Ang soft niya kasi. Ang lambing pero may tinatago palang tapang. O baka sadyang inilabas niya lang ang galit niya kay Althea na matagal na niyang kinikimkim.
“Hindi ko kailangan ang sorry mong fake, Althea!” sabi niya na ikinatiim ng labi ni Althea. Napatingin rin ito sa akin na parang nagpaawa. Gusto yata niya na kampihan ko pa siya.
Hibang ba siya
