Sapo-sapo niya ang ulo ng magising at pilit niyang inaalala ang nangyari bago siya nawalan ng malay. Hindi rin niya matandaan kung paanong nasa sofa na siya ngayon. Namulatan niya si Lance na prenteng nakaupo sa katapat na upuan. Wala kang maaaninag na reaksiyon sa mukha nito. Alam niyang may pinagdadaanan ang kapatid ngunit ayaw niyang makialam dito. Gusto niyang ito ang magkusa ang magkwento sa kanya.
Ibinaling niya pakaliwa at pakanan ang ulo habang hinihimas ang batok. At halos lumuwa ang kanyang mga mata ng maalala ang ginawa ni Alexander.
"Alexander Grey Guevarra!" Dumadagundong sa buong kabahayan ang boses niya.
Nakita niyang papalapit ang nakababatang kapatid. May kagat-kagat itong mansanas. Nakangisi ang siraulo.
"Anong ginawa mo sa akin?" singhal
