“Mas maganda ka pa sa umaga,” pigil ang ngiti kong sabi nang makapasok na siya sa aking kotse. Pasado alas diyes na ng umaga at napagdesisyunan naming magkita upang samahan siyang bumili ng libro. Nabanggit kasi niya na may posibilidad na makabalik na siya sa pag-aaral. Sinuhestyon ko na habang maaga pa para mag-advance reading na siya.
STEM daw ang strand na itutuloy niya sa senior high dahil balak niyang mag-aral ng pre-med pagtuntong ng kolehiyo. The thing is, ganoon din ang strand na tinapos ko kaya kahit paano ay may background na ako. Puwede akong maging tutor niya sakaling mahirapan siyang maka-catch-up sa isang partikular na subject.
“Ikaw rin, mas gwapo ka pa sa umaga,” puri niya sabay kabit ng seatbelt. Pinamulahan pa yata ako ng pisngi at nahiyang itagal ang tingin sa kaniya n
