"So, kailan ang kasal?" pagtatanong ni Trevor. "Teka lang, hindi pa ako nagiging pari, e."
"Seryoso ka ba talaga riyan?" anas sa kaniya ng kambal na si Travis.
"Oo naman, bakit? Bakit ko tatalikuran ang Diyos?"
"Well, hindi ko naman sinabing tatalikuran mo, pero sayang kasi ang lahi mo..."
"Kaya ka nga nariyan, magkamukha naman tayo at iisang apelyido lang ang dinadala. Kaya mo nang dalhin ang angkan at lahi natin," mahabang lintanya ni Trevor na ngayon ayaw ding patalo.
"Ewan ko sa 'yo." Napaismid si Travis, kapagkuwan ay namaywang na lamang.
"You know, God is our refuge and strength, an ever-present help in trouble. Therefore we will not fear, though the earth give way and the mountains fall into the heart of the sea, though its waters roar and foam and the mountains quake with the
