"You're a freshman." Dinig kong sabi ng lalaki na siyang nasa tabi ko, hindi ko ito nilingon bagkus ay tumango lamang ako.
Kasama pa rin nito ang dalawa niyang kaibigan na siyang nasa bandang likod namin, parehong sinusundan kami sa patutunguhan namin. Wala akong imik at nananatiling pinakikiramdaman lang sila, kasabay nang pagmamasid-masid ko sa paligid.
Malawak ang nasabing building na iyon, nasa ikaunang palapag kami at sabay-sabay na tinatahak ang malawak ding hallway na iyon. Sa ganap na alas dose ng tanghali ay marami ang nakatambay sa labas.
Nariyan ang mga estudyanteng naghaharutan at nagtatakbuhan, kabi-kabilaan din ang mga tawanan at kwentuhan. May iba na may kaniya-kaniyang kumpol at grupo, may sari-sariling mundo at may ibang pinili ang mag-isa.
"Kakasabi ko lang kaya kanin
