"Here," anang boses ni Gabriel dahilan para malingunan ko ito kung saan ay mabagal siyang naglalakad palapit sa gawi ko.
Kalalabas lang nito sa walk-in closet niya, saka naman ako nagbaba ng tingin sa dala-dala niyang damit na ipapahiram sa akin. Nakahalukipkip lang ako, kunwari pa ay hindi ko gustong dumito at magpalipas ng gabi sa unit niya.
Syempre, kahit na gusto ko ay hindi ko naman hahayaan na malaman iyon ni Gabriel. Ayokong malaman niya na ako pa rin iyong Jacky na marupok pagdating sa kaniya. Naku talaga, huwag lang ako nitong maakit-akit ngayong gabi.
"Okay na ba sa 'yo ito?" dugtong ni Gabriel nang tuluyan siyang huminto sa harapan ko.
Naroon ako sa dulo ng kama, nakakrus ang dalawang braso sa taas ng dibdib ko habang ikinikibot ang labi kasabay ng bawat paggalaw ng paa ko s
