"Wala na bang pag-asa?" segunda ni Gabby sa boses na tila nagmamakaawa.
Lalo lang ding nangunot ang noo ko mula sa narinig. Hindi makapaniwala na tinitigan ko ito habang pilit na hinahanap sa mukha niya kung tama bang nagbibiro lang siya at trip lang ako nitong asarin ngayon.
Nang hindi makita ang gusto kong makita ay maanghang akong natawa. Puno ng pagkadesperado ang itsura ni Gabby ngayon, sumasabay pa ang pagkinang ng dalawang mata nito para sa pagsusumamo.
"Kaya kong magbago, Jacky. Just give me a chance, give me hope... please," dagdag pa niya, kapagkuwan ay mas lalong dumukwang palapit sa akin dahilan para mapalayo ako at maisandal ang likod sa upuan. "Gagawin kong tama ang mali, lahat ng kasalanan ko ay pagbabayaran ko. Kung gusto mo ay saktan mo ako, sampalin mo ako, basta lahat
