Panay ang pagtawa namin ni Gabby hanggang sa makababa kami sa sala, roon pa ay naabutan namin si Donna na katulad nina Paul Shin ay nakabihis na rin. Mukhang pinaghandaan din yata nito ang pagpasyal na sinasabi nila.
"Oh, hindi pa kayo nakaayos. Wala ba kayong balak na sumama?" maang na pagtatanong nito habang pinanlalakihan kami ng mata.
Hindi nakita ang naging tugon ni Gabby sa kadahilanang nasa likod ko ito ngunit naging sapat ng ebidensya ang gulat sa mukha ni Donna. Kasabay pa nito ay nagbaba siya ng tingin sa akin kung saan mapanuri at nagtatanong ang kaniyang mga mata.
Ganoon pa man ay nangunot ang noo ko, siya namang tingala ko kay Gabby. Naabutan ko pa sa labi nito ang isang ngisi, tila ba may kung ano itong iniisip. Mayamaya lang nang sumunod sa amin ang tatlong itlog na kabab
