TRENTA Y NUWEBE
EUGENIO DIMALUPIG
ANG HALAGA daw ng buhay ng isang tao ay base sa yaman at estado niya sa buhay. Iyon ang natutunan ko habang lumalaki ako. Isang bagay na napilitan akong itatak sa utak ko dahil sa buhay na nakagisnan ko at sa paraan ng pamumuhay na nakikita ko.
Pinagmasdan ko ang yelo na natutunaw sa baso ng whisky na iniinom ko. Hindi ko na mabilang kung pang-ilang baso na ito pero hindi pa rin naman ako nalalasing. Hindi ko alam kung dahil immune na ako sa alak o baka kulang lang talaga sa tapang ang iniinom ko.
“Naayos ko na ang mga paper na pinapagawa mo. Alak pa?” nakangising abot sa akin ni Henry ng panibagong bote ng whisky.
“Shut up!” angil ko sa kanya na sinagot niya lang ng malakas na tawa.
“Bakit ba kasi pinoproblema mo ang mga bagay na pwede mo nam
