Matapos naming kumain ay nag-aya si Krypton sa labas. Sa malawak na lawn niya kami tumambay—nag-inom pala. Nagdala kasi siya ng mamahalin na alak paglabas namin. Hindi naman ako umiinom, pero hindi ko masabi sa kanya.
“Just wait here,” sabi niya pa bago siya ulit pumasok sa loob.
Ako naman ay umayos ng upo. Isinandal ko nang maayos ang likuran ko sa upuan at tumingala. Maganda ang kalangitan ngayon dahil sobrang daming bituin. Kahit papaano ay nakaramdam ako ng kaginhawan at kapayapaan sa sarili ko. Panandalian kong nakalimutan ang problema ko.
Napangiti ako nang makita ang nahuhulog na shooting star sa kalangitan. Alam ko naman na hindi talaga iyon shooting star. Kaso iyon na ang paniniwala ko—at bukod sa pagiging shooting star, isa rin iyong wishing star. Kaya kahit dumaan na, magw
