Kabanata 13
SALUBONG ang kilay na tiningnan ni Airin ang bultong humarang sa dinaraan niya. Nagmamadali siya dahil naiwanan niya kay Les 'yong isa niyang libro na kailangan niya para sa next subject. Balak niyang puntahan si Les ngayon sa classroom nito para kuhanin ang libro.
Akmang gigilid siya subalit gumilid din ang nasa harapan niya. Akmang dadaan siya sa kabila pero kumabila din ang kaharap niya. Nagmukha tuloy silang nagpapatintero.
Napabuga ng hangin si Airin. Asar na tiningala niya ang kaharap at muntik—take note of the word muntik—na siyang mapasinghap nang makita ang pigura ni Charlie sa harapan.
"Excuse me," mahinang wika niya at akmang lalagpasan ang lalaki nang pinigilan siya nito sa bisig niya. Namilog ang mga mata ni Airin habang nakatingin sa bisig niyang hawak nito. M
