"KUNG gano'n, may relasyon kayo ng Chris na 'yon?" tanong niya kay Rusty.
"Sa ngayon wala pang label, Thess. Pero, aaminin kong mahal na mahal ko na si Chris."
"Alam mo bang nasasaktan mo ang damdamin ni Zavier? Akala ko ba ayaw mo siyang masaktan?" Hindi niya napigilan na tanungin iyon kay Rusty. Nalilito lang kasi siya sa takbo ng utak nito.
"Mahirap kapag puso na ang kalaban, Thess. Bye," ani Rusty sa kanya.
May sasabihin pa sana siya rito kaya lang ay naunahan na siya nito. Humugot na lamang siya ng isang marahas na buntong-hininga.
Napaigtad siya sa malakas na katok sa kanyang pinto. "Magbibihis na!" Sigaw niya.
"Make it fast!" Sagot ni Zavier sa kanya.
Nagmamadaling isinuot niya ang white dress. Hindi niya akalaing babagay sa kanya. Nakangiting pinagmamasdan niya ang sarili
