متمردة عشقت مجنونآ

كبش فداء

اسوء شي بمجتمعنا واكثر شي متناقض هو ان المراة هي الي توقف الدم وتصحح خطا رجل ومع ذلك الرجل يعتبر المراة ثقل على كاهلة ..كيف يكون ثقل وانت تخطا وهي صير كبش فدا الك ..

شلون تكون ثقيلة وهي الص*ر الي ترمي همومك وتعبك علي..

كيف تكون ثقيلة وهي كاىن ضعيف متعب طول النهار لتعود الى عش الزوجية او بيت الاهل مبتسمة ميحق الهة تتعب او تتململ..

سمعنا صوت طلقات من كل مكان..

باوعت من شباك غرفتي ..هذا سعد جيرانة..

كاعد يرمي راسا خفت ونزلت..

سمعت صياحة بالشارع..

ولك علي اليوم اسويهة دم ولك انت طخ عرضي..

اليوم.. اكلبها عليك وعلىالي خلفوك..

طبعا اخوية علي مموجود..

دك ع تلفونة هم ماكو..

نزلت ..لكيت ابوية ومرتضى اخوية الصغير يدكون على علي ميشيلة ..خابرت ع حارث ..

جان بالشغل..

كال هسة جاي افتهم.. شنو السالفة..

وراهة عرفت اخوية مسوي مصيبة ..

هو واخت سعد ..ومن لازمي طافر ع بيتهم واختة بالغرفة منهزم وطالع..

وهاي السالفة متنحل الا عشائريا..

مرت ٣ايام علي مختفي..

ابوية دز على عمامي عمود يحلون المشكلة هاي اتفقو على كعدة وجان الاتفاق بعد دوخة طويلة

انو علي يزوج البنية ورد اعتبار سعد ابنهم يزوجني اني .

٠

رجع علي ..ويا عمامي...

وابوية منزل راسة..

فاتو للبيت تلكتهم عمتي ..

هااا...بشرو..

شطلبو منكم..

ظلو ساكتين...

طارق: جيبونة مي.. وسوو جاي..

هالي:اشرتلي..روحي سوي وجيبي..

سويت ..وسمعت صوت صيحة عمتي سعاااد...

سعاد: ها شبيكم..

طلبو مبلغ جبير..

طارق: ياريت عالفلوس.. تهون..

سعاد: خير خوفتوني..شرادو منكم..

طارق: رادو ..زينب لسعد ابنهم ..

هالي:بس سمعت الحجي بدون مااحس وكعت دولكة المي من ايدي من الصدمة...

سعاد:صمالله ..صمالله يوم.. صمالله..

طارق:زينب.. باباتي.. لازم تقدرين..

اذا مسويتي هيج..اخوج يموت..

زينب:ميموت ..ولا يطيح حضي..

اني شنو ذنبي..

هو يسوي مشكلة اني اوكع بيهة..

علي:انجبي..سكتي..

زينب:لا مااسكت .. مو اني اضيع مستقبلي الي تعبت علي ويا واحد مطيرجي مثل سعد...

طارق:باباتي يهون عليج اخوج..

زينب:واني بابا هنت عليك هيج..

تبيعني للميسوى..

علي:انتي مو اختي..

زينب:اختك..

منو قبل كم يوم تريد تهججني وتاخذ غرفتي ..ولك استحي قبل لاتكول اختك..

علي:يابة سكتهة لاابتلي بيهة..

طارق: انت انجب وحسك عينك تحجي كلمة فوك سوايتك..

هالي:احس جسمي كلة يرجف اني تاليتي هيج.. تاليتي.... اني هذا سعد المطيرجي يزوجني شون واني جنت اذا شفتة تلعب نفسي لاشخصية ولاشهادة ولااخلاق.بسبب غلطة ارتكبها اخوية ويا حبيبتة..

ظليت اعاتب واحجي..بس هم مقررين وخلص.. انتهى..

زينب:زين اني مخطوبة ..خطيبي شااكلة اني..

طارق:خالج جان ويانا..

وعرف..

وكال هذا هو..ماكو نصيب..

اهم شي تطلعون سالمين..

زينب: خالي هيج يكول..

جذب ..مااصدك..

طارق:بابا زينب..

زينب لبست حجابي..وركض بيت جدي ..

دخلت ..لكيت ..خالي كاعد..وحارث.. هم..

جنت ابجي حضنت خالي..

وهو هم حضني وبجى.. كالي والله مو بيدي شي ياخالو.. عمامج اتفقو وياهم..وكالو بنتنا الك...

والمهرر والذهب رجعة لخطيبها..

زينب(هالي): هيج بسهولة باعوني.. خالو ..انت ترضاها..بت اختك تتبهذل ..ماارضاها.. بس حكم علينا النصيب وذولة ناس شرانين..

هالي:حارث متحجي ..ساكت..

حارث: زينب لاساليني.. لج هاي عشاير مو لعب جهال..

هالي:باوعت علي بحركة..يعني انت قابل...

حارث:مابيدي شي..اذا سويتة اخواني يتاذون..

هالي:ماشي..ماشي ..براحتك..

نزعت..حلقتي واطيتهة الة.

للاسف ضنيتك رجال وتوكف وياي..

حارث:هاليييي.. .

هالي:طلعت من بيت جدي راجعة..

واحس الهموم ..اثقال شايلتهة ع جتافي مو كادرة اتحمل..

فتت لغرفتي.. وسديت الباب..

ومحجيت ويا احد..

وظليت ابجي..تمنيت لو ميتة ويا امي..بيوم جابتني..ولا اشوف.. الي كاعدة اشوفة..

مرت كم يوم..

علي راح ..اشترى الذهب.. وفرحان هو وخطيبتة.. ولاكانو اختة رح تروح لموتتهة..

جان فرحان..واني ميتة قهر..حتة مهرة مرحت..

ولااجة تاسفلي ولا طبطب علية ..عمتي سعاد مقهورة علية بس اكيد ابنهة حياتة اهم..

ابوية كبر وحيل م**ور بس مابيدة شي..

اتفق ويا سعد اكمل دراسة ورا الزواج..

يدك علية ...

ماارد علي..

وكتلة..اشوف الموت ولااشوفك..

هو واحد بلا احساس..

كمت اروح وارجع للمدرسة عمود اراجع عالانسيابية.. والتقديم..

وارجع لغرفتي ..

مااحجي ويا احد..

كطعت الاكل والشرب..

يمكن بس رووح عايشة..

الي عرفتة .. علي..راح ياخذ غرفتي..

ابوية كالة تبني غرفة .. وتزوج..

هاي الغرفة تبقى لااختك وكت محبت تجي ..هذا بيتهة..

وبلش يبني..بس ع اعصابة..

مو عاجبة..

وعمتي سعاد نفس راي ابوية..

المهم..

ايامي كلش صعبة مرت...

فوتت..سيمكارتي..

وفتحت تلفون... صار شهرين مفاتحة ..

يمكن اكثر..

اول مفتحت..

جتني رسائل كومة.. كلهة من امير ..بلة يمكن حوبتة بية ..طلعت..

لان فكرت اضحك علي.. بس والله مضحكت..

ردي..

ليش..متردين..

اني شسويت..

دا انتظرج تردين...

ردي...

ردي

...

ردي....

كوم رسايل...

فضول اجاني.. خابرت نور اريد اعرف اخبارة..

هالي:هلو نور..

نور:هلو ..هالي...عجب ..ذكرتينة...

هالي:ردت اسالج ع موضوع جنا متفقين اني وياج.. علي..

شصار منة..

نور:ياموضوع.. انتي مكملتي.. هسة مطيح حظي اكثر لو مبقيتة ع سكاطة..هسة يوميةمستشفيات يودو

زينب..

رجاءا لادكين علية خاف احد يسمع..

والله مصيبة صير من غير شي تاهميني ساحرتلة..

نوب يعرفون ..مسويتلة شي..

والله طلاكي علي..

هالي:ردت اخابرة اعتذر منه.بس ذكرتج وسكتت.. اني رح ازوج.. يمكن حوبتة بية بينت والله ديوجهلي انتقامة..لان سويت هيج بي..

نور:لاخطية ..هالي متستاهلين..

هالي:شسوي نصيبنا بعد..

وحارث خطييج..

شسوة..

هالي:درب الشردة غير...

نور:الله يعينج هالي...صعبة. .

هالي:سديت من يمهة...وكعدت افكر...شون رح يصفى مستقبلي..

ويا واحد مثل هذا كل بالي بس يزوج علي واني هم ..افوت كم شهر واطلك...

مااكدر اتحملة من بعيد شون وياي نفس الغرفة..

جبت السماعات..

دا اشغل الراديو.. جان يدك موبايلي..

هذا امير..

مااردلة..احسن..

اردلة خطية..واخلي يفرغ.خطية ماعندة احد...

امير:الو...

هالي: نعم...

امير:يعني غلطة وياج تمشيني شهرين. .

هالي:لا هاي صدك اخر مرة اكدر احجي وياك ..امير..

امير:شبيج صوتج مو على بعضة..

هالي:-شوي مشاكل ...

امير:?رح يزوجوج..

هالي:شنووو...

امير :توقعت..

اني مستعد اساعدج.. بس كولي..

هالي: هذا الموضوع ميكدر يساعدني بي احد.بس رب العالمين..

امير: جربي وياي..هالي..ماكدر امير.

شغلة صعبة..

بعدين اريد اسالك سوال..انت شنو كاعد عالتلفون تنتظرني افتحة..

امير: ماعندي شي... سمعت الاشعارات تم التوصيل..

هالي:يووو..والله الك خلك..

امير : تعرفين شنو..

هالي :شنو..

امير: دتحسين الي حاسة..

هالي:اني فاصل فيشة..مو واهسي احس.. ماعندي احساس من زمان..

امير:لعد ليش من احجي وياج احس تحجين بواهس وياي كانو تعرفيني..

هالي: المخابيل يفهمون ع بعض. ...

سكت..ورجع حجة وياي..

هالي:كل مااكلك هاي الكلمة تتعصب وتحجي حجي يضوجني..

اتقصد اكلك عمود اشوف ردة فعلك ....

امير: الكلمة تعصبني..

هالي: مرات واحد يتعب نفسيا..

مرات احس روحي كارهة الدنيا وممكن ااذي. المقابيلي..

احس محتاجة طبيب والله..

امير:صدك..نفس احساسي...

هالي:مو كتلك المخابيل يتفقون مع بعضهم..

امير؛زين زميلتي بالنضال ممكن اطلب منج طلب...

هالي:كول..

امير:لاتقفلين موبايلج..

خلي مفتوح..

هالي: مو كتلك ع ضرووفي..

امير"انتي حابة تتزوجين خطيبج..

هالي:اشوف الموت ولااشوفة..هاي الزواجة اصلا لوي..ذراع..

يعني سعد سواها مو غيرة ع اختة بس عمود يجبر اهلي ويجبرني اقبل..

اختة رح تتزوج اخوية..

عبالي تكولين ابن زوجة ابوية..

هالي:لان اني ماحاستهم اخواني..

حاستهم مايحبوني ..ولاحاسة اني احبهم..

امير:جكد عمرج انتي..

هالي:١٩

امير: الصدكي..

هالي:ههه.. الصدكي..بس اني خسرانة سنة..

انتي سادس..

هالي:خلصت..نجحت انتظر انسيابية....

امير:جكد معدلج؟

هالي:٨٥

امير:شو ناوية تقدمين..

هالي: اني قدمت..

علوم..

امير: كلش زين..

هالي: امير ..شكرا الك..

امير: ع شنو...

هالي: حيل جنت ضايجة ..وهسة ارتاحيت من حجيت وياك..

امير: واني هم..

هالي: يلة ..تصبح على خير..

امير : رح تنامين...

هالي: انت ليش مو نعسان ..ساعة وحدة..

امير: خليج وياي ..لاسدي..

هالي: ماشي.. بس بعد شنو نحجي. .امير.. تعاي نتعرف ع بعض انتي كليلي عن نفسج...

هالي: ماشي ..ابدي ..انت احجيلي.. واني ابلش وياك....

اوكي..

امير: اسمي امير حيدر..

عمري٢٥خريج هندسة ميكانيك...

عطال بطال..

هالي:هههه..

اسمي هالي..

امير: شو هالي مو زينب...

هالي: اني احب هالاسم..

امير: يعني اسميج هالي منا ورايح..

هالي:رح تبقى تحجي وياي..

بس اذا زوجت..مااكدر..

امير: انسي ..وخليج ويايا..

بيومها ظلينا نحجي لحد مخلص شحن موبايلاتنا ونمنا...

حسيت براحة ونسيت الي صار .

نسيت اكو كارثة اسمها سعد ..محسوب خطيب..علية..

علي مخلص مشاكلة بس امة وابوية خلوله حد..عمود لايحجي..

اجتي عمتي تسالني ع الذهب وشوكت نروح ...

اشترو انتو ....

مااريد..

سعاد: زينب..شون ..يمة ..غير تاخذين ع ذوقج..

هالي: خليتولي ...ذوق ..مو انتو اختاريتو وخصمتو بعد بقت ع ذهب..مااريد..

عفتهم يحجون ..

قفلت الغرفة..

شفت امير داك..علية..

اطمنت ماكو احد ..دكيت علي..

رفضة ورجع خابرني..

كعدنا نسولف...شوي ومااسمع بس صياح علي ودكدكتة ع الباب هجمة..

امير رح اروح خل اشوف شكو هاي...

لاسدي...

هالي:مااكدر امير مااشوف الا الباب ان**ر وفات علية علي هاد علية..

لج ..انتي شنو ..تريدين تخربين حياتي ..لج اموتج والله ..احترمي نفسج.. غصبا عليج تمشين مثل الاوادم.. مو شايفة روحج ع سعد وغيرة..

اموتج والله..فهمتي.. اموتج اذا تنفستي كومي بدلي...طلعي..اشتري الذهب..

هالي:ضليت ساكتة.. شعري هلسة باايدة..ودم من حلكي..

محسيت ع روحي وخراميش بااضافيري ودم وجهة جرى ..

معليك بية فهمت.. طايح حظك ..لو مو اني جان كتلوك ياعار..

جاي تتمرجل علية الله يحركك ان شاء الله ياعار..اطلع برة ..وكمت ا**ر...

طلعو ..طلعو ...برة..صيحت بصوت عالي ..جرو مرتضى وعمتي برة..

كعدت ع مكتبتي ابجي..

دنكت راسي..

واتحسر..علة حياتي..الي دمرت ..

بسبب رعونية اخوية..

انتبهت تلفوني بالكاع ..

الخط.. بعدة مفتوح واسمع صوت امير...

هالي.. هالي..

هالي:رفعت التلفون...

امير ..ممكن اسدة واخابرك بعدين..

هالي ..انتظري احجي وياج..

هالي:مع السلامة امير...

سديتة ..غسلت وجهي ونمت...

اجة ابوية ...

زينب..

ليش...بابا...سوين هيج وتاذيني..

كلمن ياخذ نصيبة ارضي بنصيبج..

واذا ماارتاحيتي ..اني اطلكج..

هالي: يعني تعتقد راح ارتاح بابا..

طارق: اني بس مجرد افكر بالموضوع انهار..

طارق:كافي..بنتي..كافي..مردتي كلبي عليج..

لو صدك ..مردت كلبك مذبني بالنار وتتف*ج علية..

طارق:زينب ..

هالي:كافي ..بابا ..فدوة عوفوني..

بالليل خابرني امير..

هلو هالي ...

شونج...

زينة امير لاتسالني..

انتي ضايجة..

هالي:عفية ..امير لاتحجي...بهالموضوع..

امير: كوليلي..اني احل المشكلة..

اطيني عنوانكم..

هالي: امير ..بلاها الله يخليك..

امير:بس سمعي كلامي..

هالي:مااكدر..والله..مااكدر..

امير : اذا مكتيلي اني اعرف بطريقتي..

بالنهاية كتلة عنوان بيتنا..

ثاني يوم ..عرفت ماخذين سعد..

للتوقيف.. متحرش ببنية وهوسة اهل البنية..

ورا اسبوعين بالتوقيف.. انسحب من الخطوبة..وزوج ذيج البنية وخلصت منة..

وراها كلش تعمقت علاقتي باامير..

وقوت علاقتنا..

ورا فترة حسيت غير اسلوبة وياي مو هو نفسة..

ولحد هاي اللحظة هو لاشايفني ولاشايفتة ..

انقبلت كلية علوم...

علي اخوية زوج..ومقلت مشاكلة..

في يوم واني راجعة للبيت طبكت سيارة وجرتني..

ومحسيت روحي الامكان اظلم.. وخالي من اي بشر..

للقصة بقية...