متمردة عشقت مجنونآ

المحتالة

دكيت مرتين عالرقم المرة الثالثة اجة بالي اسم رشا شفتة ثار وضاج ..خفت من صوتة راسا كتلة اني خطانة بالرقم . .. اسفة سديتة..

ورا هاي الهوسة مو ناقصة هوسة جديدة..

قررت الغي الموضوع ..

واكللهة نور..

رجع دكلي الرقم..

ارد..لو ماارد..

خل ارد اشوفة شيريد..

الو...

الو..

ممكن اعرف انتي ليش دكيتيلي..

هالي:كتلك غلطت بالرقم واعتذرت منك..

غلطانة ..دكين ثلاث مرات..

هالي:وشو بيهة ..عادي..ترة..

بس اني حاس انتي متقصدة دكين..

هالي:وليش ادك..

مااعرف ..احساس داخلي يكلي..

انتي دكيتي ..متقصدة..

هالي:هسة ..شتريد..

ترة اريد انام..

انيالج..تكدرين تنامين..

هالي:هههه.تحسدني لان انام..مرات النوم يكون هروب من الواقع..

انتي شايفة هيج...

هالي:طبعا.. اكو ناس تسهر ويا الناس الي تحبهة..

وانتي.. مصدوومة ...

هالي:خل احب اول وانصدم..

الله لايراويج صدمة..

هالي:ليش.الحب شبي..

يهون عالواحد الوحدة والتعب..

هيج تحس واحد سهران عمودك يحبك ويخاف عليك...

غلطانة انتي ..الحب عذاب ..اصلا ماكو حب ..وماكو وفا..

هالي:حسب الحب..

انت شون شايفة تلاكي..

وصفيلي الحب..انتي شو شايفتة..

هالي:اني مااعرفة حتى اشوفة.. لمن اعرفة اكلك..

اكو وحدة بهالوكت ماعدهة اصدقاء..اذا مو حاطة جواها سبير..متكدر..

هالي:يمكن ..طولت بالمكالمة ولازم اروح ..

رح تهربين .كلكم هيج وكت المواجهة تهربون..

هالي: اذا انت شايف هيج مااكدر اغير رايك ولاافرض عليك..

قنعيني..

هالي:اني منو عمود اقنعك.. اني احترم رايك واذا مو مقتنع.. مجان عايش حاجز روحك بهالقوقعة..

شمدريج اني حابس روحي مااطلع

هالي:حبيت اتمالك نفسي.. واجاوبة جواب سريع..

وليش انت حابس روحك ..متطلع.. لاانت واصل مرحلة..

قصدت قوقعة قناعتك شايفنا مو زينين..

هااا..

باوع اني تاخرت ..وانت طولت ..مطلع رقم غلط..

اني رح اسدة ..اسفة ..

ليش سدي ..انتي طيرتي النوم من عيني..

هسة شينومني..

هالي:هاي شنو ..شعلية داادك وانت بالغلط شلتة اذا نومتك عزيزة..طفي جهازك..

مااكدر اطفي اسمع بي اغاني..

وجانت طالعة اغنية وانت كطعتيهة ..

شو كاعد تسمع...

اغنية قديمة ..

الي هي..

متعرفيها انتو البنات متحبوهة..

شنية الاغنية المن..

قحطان العطار..

هههه..خل انفض تراب..

قديم..

يااغننية ..مو اكلج متحبوهة..

اغنية شااكول عليك ..اكول أنساك..

روحي وياك...

هالي:شااكول عليك اظل زعلان ..

مر فركاك..

ههه. طلعتي تعرفيهة ..

هالي: زين ضحكت عبالي متعرف تضحك..

ليش.. الضحك بفلوس..

انتي شسمج..

هااا.. كانو اتاخر الوقت ..اني لازم اسدة ورايا دوام...

عندك دوام وين داومين..

هالي :كلية..

ياكلية..انتي..

مااكدر اكلك اسفة ..يلا باي..

متعرفت عليج ..اسمج..

هالي..باوعت ع ملخص المكالمة ساعة..عزة ..هذا ماصدك..

اجاني اشعار رسالة معرفت اسمج رح احجز رقمج بااسم فرح..

رح اخابرج باجر..

هالي:جنت ماخذة موضوع بهزل ..مو اول واحد انصب علي..

بس حسيت كلامي طلع بلا مااحس..

لحظة اني حتة مااعرف اسمة. ..

احسن ..اكنسل الموضوع ..علي بدا يكبر ويبحبش ورايا.. واني هم تعبت اجذب عالناس..لازم اكو حد..

خلص هالي اعتزلتي هالشغلة ..هذا شكلة مخبل وكلبة ضعيف.. وانتي مو هيج ماعندك انسانية .. كنسلي.. وخلص.. قفلت مو بايلي ونمت..

كعدت الصبح عندي فضول. ..

بدلت ملابسي..فتحت الموبايل..

صباح الخير ..

دكيتلج..

بس عمود اكلج شكرا لان تواصلتي ويايا..

رديلي بس عمود اعرف اكدر اتواصل وياج..

وراها جتني رسالة ثانية فتحتي تلفونج خابريني من تفرغين مااريد شي هيج بس ندردش مثل البارحة..

رجعت قفلت موبايلي وضميتة بالكنتور..نزلت الكل يتريك ..عندي شال اسود خليتة ع راسي نص شعري طالع طبعا اامهم محد يحجي..

طلعت من البيت لااحجي ويا ابوية ولا ويا علي اخوية..

لحكتني عمتي سعاد...

زينب..

هاج مامة...

هاي لفتج..

هالي : مااريد..

لاتعاندين . ..

دوامج طويل...

ماشي..رح احطها بالجنطة مرات انقهر ع مرة ابوية لان داريني وتحبني ..حتى مترضى اخوتي يااذوني. بس عمري محبيتهة ولااعتبرتها امي.. بالع** شايفتها هي اخذت مكان امي..

المدرسة نفس الشي هوسة ويومية خبر جديد وحدة من المدرسات منقولة لو زوجهة مكتول..

الطريق طويل مال رجعة صايرة اضوج اداوم قررت باجر اغيب..

كعدنا سوا عالصفرة .. والكل يحجي واني ساكتة وافر بالخاشوكة والماعون...

طارق:زينب شبيج انتي بابا..

مريضة ..

هالي:مجنت احجي ويا ابوية من يوم وكف ويا علي ضدي...

فتت لغرفتي هلكانة تعب..

كلت افتح تلفوني جان قبل التلفونات بيها راديو دنيا الظهر..

جانو يطلعون اغاني قديمة ..وطلعت اغنية قحطان العطار..

شااكول عليك ..اكول انساك..روحي وياك..

شاكول عليك اظل زعلان...مر فركاك..

مثل فزة طفل روحي ....يفز لو مرو بطرواك..

مثل وردة وشحيح الماي مزنة مطر تتوسل..

واكولك هاك شوف جفاك..

شوف شسوى بية جفاك.. شوف شسوى بية جفاك..

مااذكر الاغنية بالضبط ..فتحت الرسائل ..وكعدت بلةاني شورطني...

اني الصاحين مو وياهم صلح انوب مخابيل..

هالفترة حاسة علي اخوية حيل يتحجج علية.. يومية متعارك...مسحت الرساىل بسرعة.

دك الباب قوي..

زينب ..زينب..

فتحتة..

هااا خيرك علي ..حجاب ولبسنة...شتريد عباية بعد البس..

علي:لا.. تعاي سويلي جاي. ..

هالي:جاي ودك الباب علية عمود جاي روح لاامك سويلك. طبيت على جتفة دااسد الباب ..مااشوفة الا دفعة وكعد يضرب بية..

شنو امك ميعجبج ولج تاج راسج..وراس امج..

هنا بعد مااكدر اسكت ضليت اصيح علي..ويضربني واضربة ..طلع صوتنة ابوية اجة..

شبيكم..ولكم..

هالي:هواي مواقف صارت مكدرت ابجي ..

طارق:شكو..

علي:دا احجي وياها تحجي على امي..

سعاد:لا ..زينب ..ممرجية منج..ليش تحجين..

زينب :صوت ..بااذني الكل يوجهلي الحجي وعلي صار ابو حق..

طارق:زينب متوقعتهة منج انتي ..

ليش تتجاوزين طيتج مجال هواي ..بس الة عمتج..هي ربتج..متستاهل تتجاوزين..

هالي:هاهية طلعتو الصوج بية سمعتو منة..

اني غلط.. وهو صح..

اسمحولي اني اسفة..

عمة سعاد ..كلي لاابنج لايوصلني..

مو خلكة اني..

سعاد:زينب هو شحجة وياج..

عيب عليج..

هالي باوعت بوجه ابوية مدافعلي مو مثل كل مرة ..المفروض..يعرف.. اني صح ..مااحبهة ..بس عمري مقللت احترام وياهة..

سديت الباب..

وانقهرت عالكلام ع امي ..امي مرة ميتة ويجيهة الحجي..

انقهرت كوني وحيدة بنص عالم مو حاسة بية ..

الاهم علي يتحجج علية..

اكيد ورا سالفة..

رجعت انجطلت واسمعة يصيح ويحجي..حطيت السماعات وعليت الصوت..وخليت مخدة فوك راسي ونمت مااشوف الانص الليل ..

عمتي سعاد دكت الباب علية..

كالتلي تعاي تعشي..

هالي: لا شكرا مااريد..

مع اني جنت ميتة جوع ..بس مااكلت ..كلت هسة ابوية يصعد يتوسل بيةوانزل..

بس ماصعد فتحت ضوة التيبلام وكعدت اقرا صارت ساعة ١١..

اباوع التلفون يتهزز.. حاطتة صامت..

باوعت رقم غريب..

كلت اسويلة رفض..

اجتني رسالة..

انتي كاعدة..

دكيت..اشوف تلفونج مفتوح..

اني مجايني نوم..ممكن تردين..

باوع عالرسالة خل امسحها وماارد

..

كمت امسح رسالة يدزلي غيرها..

اخر شي دزلي..ترة تلفوني فاتورة..

رديلي لو لظل للصبح ادزلج رسايل..

هالي:اهوووو.

خل ارد..

الووو..

الووو...مساء الخير..

شونج فرح..

هالي: شنو فرح ..

اني سميتج فرح ..

مااعرف اسمج..

هالي:تعرف ورايا مدرسة وانت دك..

عرفت انتو مو كلية.. .

هالي:نعم..

كتيلي كلية اني بس حسيتج اصغر من هيج...

هالي:المهم استاذ...شسمك انت..

اسمي.. امير..

الحقيقي لو بالتلفون..

اسمي الحقيقي امير اني مااخاف اكول اسمي.. بس انتي ليش خايفة..

هالي: منو كالك خايفة..

بس مطلعت هاي رقم خطا.. ويظل لاح هيج..

لعد ليش رفعتي..

هالي: اذا انت متخلي واحد ياخذ نفس يمسح رسالة تجي ثانية..

امير: اني واحد لزكة مرح تخلصين مني..

هالي: ابتليت دكيتلك غلط..

امير: اي ..ابتليتي..

هالي: ممكن اسالك..

امير:اسالي....

هالي: جكد عمرك..

امير: ليش سالين..

هالي: فضول..

امير ٢٥سنة بس قلبي قلب ٧٠سنة..

هالي: ليش مريض انت...

امير: لا مو مريض..انتي مريضة مو اني ..كالها بعصبية وطريقة كانو استفزيتة..

هالي:هاي شبيك انت تصيح.. رجاء لادك على رقمي والا طيتة لااخوية..

اعوذ بالله شون بشر..

الله يشافيك..

امير:لاتكولين..الله .. يشا...سديت التلفون..

هالي: الله يطيح حظك وحظ نور جابتك علية..

ظل يدك ..يدك وماكو..

مااردلة حطيتة عالصامت.. ذبيته جوا المخدة ونمت..

دزلي..رسايل.

ردي..

ردي..احسلج..

ردي ..لاتتندمين..

وراهة دك ظل يدك..

سكت التلفون نزلت جوا ميتة جوع..

للمطبخ فتحت الثلاجة.. وطلعت جبن وخيار وطماطة..

ودا اكل والمح خيال علي فتت مخزن بالمطبخ مااعرف.. ليش خفت مع اني ممسوية شي.. شفتة كعد بمكاني وكعد يكركط بالخيار واني اكلة سم..وكاعد يحجي بمبايلة..

ولج..انتي روحي لو اعرف احرك عشيرتي الا اخذج..

هي كم يوم.. اخليهة تنكلع من البيت..واخذ غرفتها ونزوج..

لاتهتمين حبيبتي.. كله يهون..

يلة روحي نامي ..رح اشتاقلج..

اني ...

عرفت هاي الهوسة ع غرفتي ..ياناقص ياعلي..

ياربي..هذا شنو من بشر هيج يسوي بااختة .. عمود وحدة غريبة..

زين ..اذا ابوية صار علي شي..

شيسوي..

انتظرتة يطلع ..وغصة صارت بص*ري اكبر..

حتة الجوع نسيتة..

حسيت رجلية جكد ثقيلة ..

يعني اني مو بت هذا البيت..

مو هذا ابوية وهذا اخوية..

ليش يسوي بية هيج..

ظليت ابجي...

والتلفون ماسكت من الرن..

حسيت بحركة ..جاوبت..

انت شتريد مني.. شتريد مني انت مو ناقصتك.. جاوبتة وصوتي محروق من البجي..

كاافي عاد تحملت وسكتت.. عوفني ..

لاادك عليه..

داا سدة..

سمعت..صوت الباب اندك..زينب فتحي الباب..

سديت التلفون ومسحت عيني وظميت التلفون بص*ري..

طارق: شبيج باباتي . .

صوتج..وصل لغرفتنا.. ماانتبهت..

صوتي عالي..

مكدرت اكولة علي..

كتلة كابوس خنكني..

خنك..

ها باباتي.. لاضوجين من اخوج..

ترة هو خايف عليج..

هالي: بابا..تصبح على خير رح ارجع انام متضايقة اني..

طارق:غسلي وجهج وتوضي وصلي ركعتين ونامي..

ماشي.. ماشي..

بابا..

سديت الباب ..وظليت ابجي..

طلعت التلفون ..اكتشفت داك اتصال ومفتوح..

راسا سديتة عزة..

ثاني يوم بقيت بالبيت ماداومت.. احساس حلو وحدي بالبيت..

سكون وراحة فتحت التلفون عالراديو..

جانت فيروز..

وكعدت اسوي ريوك..

اطلع قهر البارحة..

دك تلفوني..

يوو نفس الرقم شون اخلص..

دزلي رسالة..

صباح الخير زنوبة ..طلع اسمج زينب..

اني اسف تعصبت عليج..سمعتج انتي ووالدك والظاهر اكو اشياء بينا تتشابه..

رجاء رديلي..

حطيت الاكل عالطاولة.. وفتحت التلفون مايكرفون..وكعدت اكل واحجي..

امير..صباح الخير ممداومة اليوم..

هالي:انت هم الظاهر ممداوم..

امير:اني ممحتاح اداوم كل شي يجي يمي..

اممم..

مضوج من الكعدة بالبيت..

لا..الكعدة مريحة ..مامظطر اشوف ناس مااحبهم..

هالي:لا مااكدر اتحمل..بالبيت ابقى فترة وحدي..

لازم اطلع واشوف الناس ..

مكتيلي.. شبي اخوج وياج..

هالي:مو اخوية ابن زوجة ابوية..

اممم...

مضايقج..

هالي:هواي..

اتمنى يختفي من كدامي..

اكرهة هواي..

اني ليش اكلك..

امير:مو كتلج..تكدرين تحجين الي وتفضفضين..

هالي:تشتغلي طبيب نفسي يعني

...

امير:اي احجي بنتي بعد شنو مضايقج منو تتمنين شيلي من كدام عينج...

هالي:لا انت ماخذ الدور.. زين ياحضرة الحكيم..

انت شنو مضوجك..

وليش صرت عصبي من كتلك مريض..

امير:الكل يكولون علية مريض بس حاس روحي الصاحي الوحيد...

هالي:هههه...المخابيل هيج يشوفون العالم..

امير...اني مو مخبل..

هالي:ولاااني مخبلة بس العالم شايفيني مخبلة واني تعلمت عليهم..شايفيني هيج..

امير:مرتاحة..

هالي:كلش..

امير:بس اني مدا احس روحي مرتاح.. الناس كلها تكول عوفو بحالة مخبل لاطخو مخبل ..لاضغطون علي مخبل ..

حطولة الحباية بالعصير مخبل ميقبل ياخذهة الا نقشمرة..درجة مااكدر اثق بالعالم..

هالي:امير..هههه..صوتك حزين.. مو قصدي هيج..

امير:قصدج ولا موقصدج..

انتي وحدة تعرفت عليهة بتلفون ..يمكن اكو الف غيري حاجية وياهم...

هالي:باوع ..تقل ادبك وياي..هسة اطلع سيمكارتي وا**رة ..

مرتين سويتهة وهاي الاخيرة..

خاف عبالك.. لازمة تلفون ..او اصادق ..انت غلطان..بس ضجت من ملحتك..

مو كل ناس سيئين..

واذا شايفهم هيج واهلك يتحملون..

اني ممجبورة اتحملك...

باي...

هالي: حسيت روحي زلكت بالحجي هواي وطولتها..

اني هذا الموضوع طول عندي..

رفعت السيمكارت..

ومفتحت تلفوني..

كلت نور..

مااكدر ..سديت تلفوني...

ظلت تتوسل ..واني رفضت..

بس ظليت يومية وبسبب مضايقات علي..

اريد افتح تلفوني ..واريد افضفض..

وارجع اكول سكتي وعديهة..

خلصت عطلة الاربعين يوم وبدينا امتحاناتنا..

الحمدلله سويت الي علية..ظليت انتظر الانسيابية وهذا الوقت كله اسمع اخبار امير من مروة..

شمسوي بااهلة ..ونور زعلانة بيت اهلها..

متخربط ناقلي للمستشفى..

حسيت بضوجة مااعرف ليش..

اجتي العطلة وحارث اجة خطبني..

مكدرت اكول لا..لخالي..

واريد اطلع من البيت خل يشبع بي علي..

حارث يحبني كلش. بس اني مااحبة..

بس مرح احصل غيرة..

بيوم جنا كاعدين بالبيت وسمعنا طلقات بابنا جيرانا الي ابنهم دائما يتحرش بية ..

يضرب طلقات ويصيح على علي..

للقصة بقية....

سمعوني ارائكم وتوقعاتكم ..