Gwen
Ewan ko ba pero nararamdaman ko na gusto ko nang makipag-ayos kay Miel ngayon. Alam ko na rin naman ang tungkol kay Kiro at Quin kaya ayos na sa akin ang makipag-ayos sa kanya. Wala naman na akong ipaglalaban pa eh.
Sa sobrang gusto ko na maging okay na kami ni Miel ay nagsabi ako kina Sharlene at Marissa na kung pwede ay hindi muna ako sasama sa kanila pa-uwi.
“Sige, go. Actually iyan naman talaga ang gusto kong mangyari sa inyo ni Miel. Support ako dyan, don’t worry!” sabi ni Sharlene sa akin.
“Kahit naman niloloko kita kanina, gusto ko pa rin na maging maayos kayo ni Miel eh. Kaya go ka lang dyan. I-text mo na lang kami kung anon a ang nangyari sa inyo. Okay?” sabi naman ni Marissa sa akin pagkatapos ay ngumiti.
"Salamat at naiintindihan niyo ako,” sabi ko. Tumango naman sila
