SERONA POINT OF VIEW
Matapos ang eksenang iyon kanina, tinulungan ko si Nanay na maglinis ng bahay. Hindi ko muna siya pinalabas, pati na rin ang mga kapatid ko, para naman habang andito ako, makasama ko sila nang matagal.
“Pilar! Pilar!”
Napatingin kami ni Nanay nang marinig namin ang malakas na sigaw mula sa labas. Agad siyang sumilip sa bintana upang alamin kung sino ang tumatawag. Samantalang ako naman, nagpatuloy sa paglilinis. Lumabas sina Thaddeus at Yllah dahil inutusan ko silang bumili ng sako ng bigas at iba pang grocery para may stock sila rito. Hindi ko na gustong maranasan pa nilang magnakaw para lang may makain. Mas mabuti nang regular akong magpadala ng budget buwan-buwan upang hindi na nila kailangang lumabas at maghanap ng paraan para mabuhay.
“Hoy, Pilar! Yang anak m
