SERONA POINT OF VIEW
Marami pa kaming napag-usapan ni Nanay, at paulit-ulit siyang humihingi ng tawad sa akin. Hindi ko magawang sagutin ang kanyang paghingi ng tawad dahil hanggang ngayon ay may nararamdaman pa rin akong galit. Alam kong darating din ang araw na mapapatawad ko siya—sila ni Tatay, kahit wala na siya sa mundo. Pero siguro, hindi pa ngayon ang tamang panahon.
Pinakilala rin ako ni Nanay sa kapatid kong si Brent. Noong una ay halata ang pag-aalangan niya, pero kalaunan ay unti-unti siyang lumapit, hanggang sa bigla niya akong niyakap at napaiyak. "Salamat at nakilala na rin kita," aniya sa pagitan ng hikbi. "Lagi kang ikinukuwento sa amin noon nina Nanay at Tatay." Ramdam ko ang kanyang kasabikan at saya, pero kasabay nito ay may kirot din sa puso ko—sa tagal ng panahon, n
