Costa Del Amara (Resort Of Lies) *Short Story*

THIRD PERSON POV Napaangat mula sa screen ng kanyang phone ang tingin ni Benj nang marinig ang malakas na hiyaw ng kanyang kaibigang si Scott matapos nitong patalsikin sa ere ang cork ng wine bottle na hawak nito habang naroon ang kanilang barkada sa loob ng malawak na sala ng pinakamalaking cottage na kanilang nirentahan sa Costa Del Amara. Malayo ang lokasyon ng two-storey cottage na iyon mula sa mga nagkalat na maliit na kubo sa paligid ng isla. Ang politician na ama ng kaibigan niyang si Zach ang kakilala ng owner ng lugar na iyon. Kahapon sila dumating and since then ay VIP treatment na ang natatanggap nila mula sa mga staff ng resort. Scott: It’s time to party! For our brotherhood! Nakita niyang itinaas ng apat pa niyang kaibigan ang hawak na kopita ng mga ito na wala pang lamang nakalalasing na likido. “For our solid brotherhood!” Hindi na siya nakisabay sa pagsigaw ng College friends nang marinig na tumunog ang kanyang phone. Isang mensahe ang kanyang natanggap at nakapagpangiti sa kanyang mga labi nang mabasa ang nilalaman niyon. “Sige, Benj. Payag ako. Ikaw ang magsabi kung anong oras ako pupunta riyan sa loob ng cottage ninyo.” Akmang magre-reply na siya sa text message na iyon nang biglang marinig niya ang pinaliit na tinig ng boses ng kanyang kaibigang si Dylan sa kanyang tabi. Dylan: Sige, Benj. Payag ako. Ikaw ang magsabi kung anong oras--- Hindi na nito natapos ang pagsasalita nang bigla siyang lumayo rito. Benj: Hey, dude. Reading messages from someone’s phone is rude. Napansin ni Benj na nakuha na niya ang atensyon ng lahat ng kanyang kaibigan dahil sa sinabi niyang iyon. Nakita niya ang nanunuksong ngiti sa mga labi ng pinsan ni Scott na si Caleb. Caleb: Oh, interesting. Tell us, Dylan. Ano ang nabasa mo? Masama ang tinging tinitigan ni Benj ang tsinitong kaibigang si Dylan ngunit nginisian lamang siya nito. Dylan: You won’t believe it, guys. Nakita ko lang naman sa phone ni Benj ang pangalan ng babaeng staff na hinipuan ni Zach kahapon. That hot stuff. Parang gusto niyang sikmuraan ang kaibigan nang marinig mula sa bibig nito ang isang malaswang ungol habang nag-aatras-abante ang balakang nito sa ere. Sa ginagawa ng kaibigang si Dylan ay parang may pinagpapasukang butas ang alagang nakaumbok sa pagitan ng mga hita nito. Akmang ipagtatanggol ni Benj ang babae nang biglang sumingit ang kaibigan niyang si Barry. Barry: So type pala ni Benjamin ang probinsyanang iyon. Sabagay, maganda nga naman. Sexy din dahil tumatalbog-talbog pa ang bola-bola habang binobosohan ko noong sini-serve na ang drinks natin. At halatang alam niyo na--- Napansin niyang napatingin ang lahat ng kanyang kaibigan kay Barry nang sadyain nitong bitinin ang sinasabi. Nakita niyang nagtaas-baba ang mga kilay nito habang kagat ang ibabang labi. Nakakorteng bilog ang dalawang daliri nito sa kanang kamay at ang kaliwang hintuturo ay naglalabas-masok sa loob ng bilog na iyon. Scott: Halatang ano, pare? Halatang? Sa tono ng pananalita ng kanyang kaibigang si Scott ay alam ni Benj na may ideya ito sa ipinapahiwatig ng kaibigan nilang si Barry ngunit katulad nang dati ay gusto lamang nitong lumabas mismo mula sa kanilang mga bibig ang salita. Nang pilyong magtinginan ang kanyang mga kaibigan ay parang gusto niyang ilayo mula sa lugar na iyon ang babaeng binabastos ng mga ito. Parang umiikot ang kanyang sikmura nang marinig ang sabay-sabay na isinigaw ng kanyang mga kaibigan. “Virgin!” Kasabay niyon ay nakita niyang itinapat ng kaibigang si Scott ang hawak nitong wine bottle sa pundilyo ng pantalon nito at hinimas-himas ang katawan ng bote habang nakalabas ang dila at pinaglalandas sa ibabang labi nito. Nang lumiyad ang kaibigang may hawak na bote ay nagtalsikan sa ere ang likidong laman niyon. Malakas na naghihiyawan ang kanyang mga kaibigan habang sinusubukan ng mga ito na may masalong wine sa mga kopitang kanilang hawak. Zach: Bigla tuloy akong na-excite na makitang walang saplot ang Eunice na iyon. Ikinuyom ni Benj ang kanyang kaliwang kamao matapos marinig ang sinabi ng pinakamakapangyarihan sa kanyang mga kaibigan. Bigla ay nagdalawang-isip siya kung tama ba ang kanyang desisyon na papuntahin sa loob ng kanilang cottage ang babaeng natitipuhan. May kabang bumalot sa kanyang puso habang pinakikinggan ang malakas na tawanan ng kanyang mga kaibigan. Nang makita niya ang kapilyuhan sa mukha ng mga ito ay parang may kung anong hinahalukay sa loob ng kanyang kalamnan. At makalipas ang ilang oras matapos ang hindi komportableng eksenang iyon ay sumapit nga ang alas dos ng madaling-araw. Iyon ang nakitang oras ni Benj sa wall clock na nasa malawak na living room ng cottage nang imulat niya ang kanyang mga mata. Natagpuan niya ang sariling nakahiga sa carpeted floor ng sala ng malawak na bahay-pahingahan. Kaagad siyang napangiwi nang sumakit ang kanyang ulo matapos subukang bumangon. Kahit nahihilo ay pinilit ni Benj ang makatayo. Umiikot ang kanyang paningin habang tinitingnan ang mga nagkalat na bote ng wine sa paligid. Nanuot sa kanyang ilong ang amoy ng nakalalasing na likido at isang amoy na hindi niya maintindihan. Nakita niya ang mga kaibigang nakahilata sa iba’t ibang panig ng sala. Lahat ay lango sa alak. Si Caleb ay nakahiga sa tabi ng dingding habang ang kanang bisig nito ay nakapatong sa ulo. Napansin niyang bukas pa ang butones at zipper ng suot nitong pantalon. Sa kanyang paanan ay ang walang pang-itaas na kaibigang si Dylan. Nakahantad sa kanyang mga mata ang tattoos nito. Ang kaibigan niyang si Barry ay padapang nakahiga sa ibabaw ng couch habang si Zach naman ay nakataas pa ang dalawang brasong nakahilata sa tabi ng main entrance door ng cottage. May bote ng alak pa sa tiyan ni Scott nang makita ni Benj na nakahiga ang katawan nito sa tabi ng mini bar counter. Nagsimulang igalaw niya ang kanyang mga paa para puntahan ang iba pang panig ng sala hanggang sa isang bulto ng katawan ang napansin niya sa isang sulok. Doon sa tabi ng isang malaking lampshade ay may isang katawan ang nakahiga. Wala itong suot na kahit anong saplot. Kaagad na kumunot ang kanyang noo dahil hindi siya sigurado kung sino ang presensyang iyon. Dahan-dahang nilapitan iyon ni Benj at habang papalapit siya ay may kung anong kilabot siyang nararamdaman sa kanyang buong sistema. May namumuo nang hinala sa kanyang utak kung sino ang taong iyon. Nang huminto siya sa paglalakad malapit sa hubo’t hubad na babae ay parang may isang mabigat na bagay ang tumama sa kanyang dibdib at biglang nanikip iyon. Nanlalaki ang kanyang mga mata habang pinapasadahan ng tingin ang taong iyon mula ulo hanggang paa. Kaagad na nanlamig ang kanyang buong katawan nang makilala kung sino ang babaeng nakahandusay sa kanyang harapan. Benj: Hindi! ----------