12: Heirs of Montague Empire
“Trev…
Kaagad kong nilapitan si Trevor para pigilan na ito. Halos dumugo na rin ang labi ni Bryan dahil sa lakas ng pagkasuntok ni Trev sa kaniya.
“What is happening here?”
Napatingin na kaming lahat nang biglang pumasok si Sir Tristan sa shop. Napabangon na si Byran habang nakangiti lang sa amin. “Sir Tristan…magpapaliwanag po ako,” mahinang pahayag ko.
Hindi naman na ako pinansin ni Sir at kaagad nang lumapit kay Bryan at laking gulat na lang namin nang hinawakan niya ito sa kwelyo ng kaniyang polo shirt at pinagalitan. Medyo mahina ang pagsasalita ni Sir Tristan kaya hindi namin madinig. Makalipas pa ang ilang segundo ay binitawan na niya ito at kaagad na ring umalis si Bryan palabas ng shop.
“I’m really sorry for my counsin, Sav,” sambit pa ni Sir sab
