“Ayan! Okay na,” sabi ni Hope nang maayusan na niya ang anak. Nakasuot na ito ng uniform saka tinulungan naman niyang isuot nito ang bag. “Ang ganda-ganda talaga ng anak ko.” Mahina niyang kinurot ang pisngi nito.
“Ako na ang maghahatid sa ‘yo, Scarlet,” sabi ni Romina na kagagaling lang sa kusina at dala ang baon ng anak niya na nakalagay sa lunch box.
“Sige po, Ninang.”
Inayos niya ang buhok nito. “Huwag masyadong malikot sa school, Anak, ha? Makinig kay Teacher. Huwag maging pasaway.”
“Opo, Mama.” Humalik ito sa pisngi niya.
“Good morning, everyone!” Napatingin silang lahat kay Marco na nasa pinto. Agad na sumimangot si Romina nang makita ito. Napailing na lang siya. “Good morning, Baby.” Lumapit ito kay Scarlet saka kinarga ang bata. “Ready ka na ba? Hatid ka na ni
