“EEEEEEEEEEE….” Matinis na tiling kumawala mula sa lalamunan ni Aya ng parang babangga na sila sa gilid ng sementandong daan. Mabuti nalang at mabilis na nakabig ng katabi niya ang manibela kung hindi ay babangga sila sa kanto at pataas na semento.
“Break Aya! Hit the break!” malakas na sabi ni Elijah.
“Bakit hindi ikaw ang umapak?” nakamulagat na singhal niya rito.
“Ako ba ang nasa harap ng manibela?” nakamulagat din na balik-tanong nito.
Nakagat niya ang labi. Oo nga naman. Siya ang nagda-drive kaya napahiya siya. Bahagyang gumewang ang sasakyan nila dahil binitawan ulit iyon ng binata. Mas lalo siyang nataranta. At dahil doon ay hindi na niya alam kung ano ang tatapakan. Pati ang selinyador na hindi dapat ay tinapak-tapakan na niya. Pinagsalitan niyang tapakan ang preno at ang seli
