MAGAAN na itinataktak ni Aya ang mga daliri sa gilid at ibaba ng bintanang katabi niya. Ang tunog niyon ang tanging maririnig sa mga sandaling iyon sa loob ng taxi na kinaroroonan niya. Nakatingin din siya sa labas partikular sa isang apartment na hindi kalayuan sa kinaroroonan niya. Ilang minuto na rin siyang nakatingin sa sa apartment ni Christian kasama ang mag-ina nito. Alam niyang wala roon ang lalaki at nasa trabaho ito. Isa itong normal na empleyado sa isang hindi naman kalakihang kumpanya. Sigurado rin siyang hindi malaki ang kita nito roon.
Nang malaman niya ang estado ng buhay niya ay may parte niya ang nagtanong kung ano kaya ang nangyari rito at hindi nito nagawang umasenso sa buhay. Masipag ito noon at masasabi niyang matalino rin. Marami itong pangarap na alam niyang kaya ni
