Humigpit ang pagkakahawak ni David sa kopita ng alak habang nag-iigting ang mga bagang sa galit habang pinapanuod ang balita sa telebisyon hindi dahil sa pagkakadakip kay Justine. Bagkus dahil sa pagtatangkang pagpaslang ng lalake kay Shane.
Galit na ihinagis nito ang basong hawak-hawak, basag din ang screen ng telebiyon nang mapag-initan iyon at barilin.
"Akin ka lang Shane! Akin ka lang!" May diing wika nito. Pinagbabasag ang lahat ng gamit na maabot ng kamay.
Ang kanina'y nanlilisik at napupuot nitong mga mata'y biglang napalitan ng pagkagulat at matinding pagkasindak. Nang magsulputan ang mga alagad ng batas mula sa ibat-ibang panig ng ukopado nitong bahay.
Masyado itong naka-focus sa balitang pinapanood at sa galit nito sa kaibigan kaya hindi na nito namalayan ang maingat na pag
