من انتي لتملكيني

Parte 7

طلعت المره وذهب فتحت تليفونه. واتصلت على اسيد اول مفتح الخط اجاها صوت اسيد المرعب بعدته عن أذنه من كدما صوته عالي كالت

- ممكن بله عياط زرفت طبله أذني.

- خلي ارجع واني اعلمج

- اذا ناوي تعلمني من ترجع شكو هسه متصل.

- ماشي يا ذهب بعيني جاي

ظلت ذهب حايره شنو الي صار شبي هذا بعدين شكو هلكد يدخل بحياته مكافي الأوامر والمحاضرات الي تمطر عليه بكل مكالمه كل ماشوفه

وره نص ساعه دخل هيه جانت تشرب عصير بالمطبخ وبيده قلم

دخل وهو يعارك ذبان خشمه اول مادخل صاح بصوت عالي

- ذهب ....... ذهب

- هياتني بالمطبخ

- اسمعي لج كل مره اعديه واكول بعدههه متعرف اطباعي انطيه مجال تعرفني بس....

- قبل كلشي اني شمسويه

- ليش تليفونج مغلق

- جنت محتاج شي ضروري مني

- اني .....

- مات احد من اهلي .... اكو شي يخصني ولازم اعرفه ضروري مسالت حياة او موت

- ولا وحده منهن بس

- خلص لعد مو من حقك تسال عني شفتني رفعت تليفوني وكتلك انته وين ويامن شدسوي لا مأسويت هل أمور شنو الي يخليني اسولف وياك ولا شي

- اسمعي لج

- انته اسمعني اسيد كل واحد بينه اله حياته بعيد عن الثاني وحياتي محصوره بكم شخص ودراستي

وانته لا دراستي ولا هل كم شخص انته زين تعرف وين اروح وين اجي من خلال المراقب ههههههه ....، اقصد الحارس اذا خلصت ماكو داعي تسال عن شي تعرفه

اسيد ماحجه شي ولارد عليه جان يمثل دور الهدوء ع** النار الي بداخله

بس هيه هاي جانت شروطه وهاي الاتفاقية الي رادهه الي على اساسه تم الزواج هيه كملت العصير الي بيده ورجعت للمكتب تقره وهو راح بدل وكشخ وطلع عطرهه ترس البيت

مر الوقت وذهب نعست وهم رجعت تقره وراها اتصل بيه علاء صديقه اول ماردت كالت

- خاين مثلك ماشفت

- اني لو انتي

- بله اني جنت عروس وملتهيه انته شكو

- اوووف وذهب ولج غير گلبي ظاع مني

- هاااا

- اكو. وحده

- يا الله

- حلوه ومرتبه ونازكه وبغداديه

- هله هله كله بيه

- اي ولج لازم اعرفج عليه

- منين عرفته

- جانت بالفندق الي صار بي عرسج

- يعني احد المعازيم

- مادري هو جان اكو عرسين بس اني شفته من طلعت

- اي وشلون اتواصلت وياها

- شفته مره ثانيه بالمول مره بالمطعم يعني اكثر من صدقه

- وبعدين

- تبادلنه الأرقام وهل سوالف

- بشهر حبيته

- هو حاليا مو حب مجرد إعجاب وجاي أتعرف عليه

- شسمه

- رفل

- حلو شتدرس

- هههه إنشاء الله وياي معهد نفط

- صدكً والله

- اي والله

- خوش لعد راح تكون كدام عينك

- إنشاء الله انتي شدسوين مسوين

- والله جاي اقره علاء شسوي بعد

- حضره النقيب شلونه وياج

- لا حباب وجاي يساعدني بموضوع الدراسه راح يدخلني مدرسه اهليه

- الله ربج

- اي ومثل مجنت اريد اروح للمدرسة بس وكت الامتحان

- هذا خاف ولج يقره افكارج

- ديله ولي خلي اقره

- ماشي عيني ديله خلي اني هم اروح للقاعه تدرين ورايه جامعه

- ههههه كبر اي والله كون كبر

- يلفج حياتي

مر الوقت وصارت الساعه. ب ١٢:٠٠ نامت ذهب وكعدت ب ٤:٠٠ علىً صوت المنبه. باوعت اسيد ماكو صلت وكملت ورجعت نامت سمعت صوت سياره عرفته رجع من السهر مالته هو دخل سبح وشمر روحه عل سرير ماكعد غير الساعه ٢:٠٠ ضهر

سبح ونزل جوه لكه ذهب ترتب ميز الطعام باوعت عليه وكالت

- تتغده

- اي ميت جوع

- ماشي يله اكعد

اسيد كعد عل كرسي وذهب صب اكل هو يتابع حركاته بهدوء رن تليفونه كالتله منو الي ديتصل

- ماعرف رقم مكتوب عليه (دوخت راسي )

- وين هدفوناتي

- شسوين بيهن

- مشوف داصب اكل شلون احجي

باوعت يمنه يسره ماكو فتحت خط وفتحت سبيكر وكالت

- هلو علوش

- هله والله بالخبله

- تمام شكو ماكو

-الحمد لله اكلج تذكرين المدرس ابو الكيمه الي جان يدرسنه بالخامس

- هذا الي دخلنه يمه دورة تقويه

- اي هو مستر فأهي

- شبي هذا شذكرك بي

- ولج اجه خطب اسماء لابنه

- لا بربك

- اي والله البارحه بليل اجانه ومن البارحه واليوم اني اضحك على اسماء

- خرب الصبح حاجيته اشو ماكالت

- ههههه اكيد مراح اتكلج قابل شمتقدمله هو ابن الفاهي

- هههههه خالتي وين

- تعزل رمان

- ذكرتني وين حصتي

- بابا صرتي مره مزوجه بطلي هل السوالف

- انطيني خاله

- ولج امي مدري شبيه

- ليش يا ستار شبيه

- من زوجتي لحد الان ماغلطت عليج

- شلون بله

- قبل من جنت احجي وياج وامي تسمع جاي احجي ويه بنيه تكوم توزع ابتسامات بس من تسمع ذهب تكلي كبر لفك ولفه وتروح

- هههههه يا يا الله ليش ولك

- اتكلي انتو كوم خبول ..... البارحه اتكلي لا ضل بس تسولف ويه البنيه صارت مزوجه وعده. رجله والتزامات علساس اني اماخرج عن اجتماعات الكونكرس

- اكيد اكيد بحالك اني

- دولي وجه ألبومه

- هسه انته شكو متصل بيه

- خفت شكولج اولا اريد اكلج عله خطبه اسماء وهم امي تكول. راح تجي زور الإمام الكاظم. (ع). وهم تجيج وجيبلج رمان علساس انتي ماماكله رمان

- اي فدوه الكلبه خاله

- ديله. باي

ذهب جانت تحجي وتصب اكل اسيد كل باله يمه ويريد يعرف منو هذا علاء الي تحجي وياه بكل هل رياحه شيصير منه

مبين علاقتهم كلش قويه بعد ماكملت وكعدت كاله

- منو هذا علاء

- صديقي مو سلم عليك بالعرس

- مو جاي احجي وياج عدل جاوبني مثل البشر

- هاي شبيك ليش. اني شكلت كتلك صديقي

- شنو صديقج شلون يعني

- اهل علاء جانو جيرانه واني وعلاء اصدقاء من ايام الثالث متوسط اني وياه جنه ندخل محاضرات تقويه بالعطله يعني نكمل المواد قبل منبلش بالسنه الجديده

بعدين همه بالسادس شالو لمنطقه عل شط بساتين وكذا. بس بقينه اصدقاء حاليا هو قدم معهد نفط. واني ? راح أعيد

عرفتك عليه هو وأمه وابوه جانو موجودين بالعرس

ذهب جانت تحجي ومندمجه واسيد يأكل بكل هدوء ويستمع اله. خلاها اتكمل وكال

- هذا الي اسمه علاء بعد متحجين وياه وعلاقتج بي تنتهي

- ههههههه ... تشاقه

- ابد ششوفين شكلي مال واحد يشاقه

- اسيد لتحاول

- احاول شنو

- ترى اذا اتخيرني بينك وبينه اختر علاء وأنهي علاقتي بيك

من كالت هيج اسيد صفن بوججه وبينت معالم الغضب بوجهه وكال

- انتي تخبلتي لو شنو

- لا تخبلت ولا شي اني مانهي علاقات حقيقيه لأجل علاقه مزيفه وقتيه

قبل ميرد عليه رن تليفونه جان سند اخو باوعت عله اسيد باستغراب وكالت

- الو

- هلو ذهب اكلج اسيد وين

- هذا وينه ديتغده

- انطيني اياه

باوعت على اسيد وانطته التليفون كالت

- سند يريدك

اسيد جان يحجي ويه اخوه بعدها سد التليفون وكال

- اني طالع

- اوك

طلع اسيد ورجعت ذهب مابين تنضيف البيت وقرايته خلص الوقت مثل كل يوم وحده

وراها ربطت التليفون باللازمة وكعدت تباوع فلم وطفت الاضويه كله

هو دخل للبيت الساعه ١٢:٣٠ هيه جانت مندمجة ويه الفلم

كعد بصفه وكال

- شنو منايمه

- هلو .... لا انتضر الفلم يخلص

- شسمه

- وصلت على النهايته

- شسوي امي مريضه اليوم

من كال هيجً شاف القلق بعيونه. وهواية اسال بس كالت

- شلون صارت هسه

- الحمد لله زينه - ...... شنو اليوم ماحجيتي رانيه

- لا .... هيه تصلت بس اني مارديت

- ليش مزاعلين

- لا

- لعد شكو

- اريد اكمل الفلم

هيه جانت صافنه عل تلفزيون وهو صافن عليه خلص الفلم رادت تكوم كال