من انتي لتملكيني

Parte6

رتبو غراض بيتهم والأثاث غسل كل البيت وياها وبعد يومين من وصولهم يله انطو خبر لاهلهم سور عزيمهه وهل امور وره اسبوع التحق اسيد لدوامه وذهب طلعت كتبه

بعد ماامه علنت حرب لان عرفت هيه مطيه الدفتر فارغ

بس الأوان جان فايت لان حاليا ذهب داخل حصن اسيد المنيع الي محد يكدر يقترب منه

خلال ١٥ يوم ذهب تعرفت على زوجه العم حسن مره جبيره وحبابه

اكثر من مره ذهب من تطبخ توديلهم

جانت كاعده تقرهه تقريبا الساعه ١٢:٠٠ بليل اتصلت رانيه عليه وضلوا يسولفون

اتصل اسيد لكه الخط مشغول ضل يتصل وهيه ماكو الف شغله خطرت باله وراه ماكملت بربع ساعه رجع اتصل اول مافتحت خط حجه بعصبيه مخيفه

- ويه منو چنتي تحجين

- عفوا

- بله عفوًا بلا كلاواتج هاي السوالف راسي مشيب منه لتكليلي امي لو اختي

- والله مالي خلك خبالك هسه جنت اقره وراسي مسطور اروح انام اشرفلي تصبح على خير

كالت هيج وسدت التليفون وخلته يفور اتهستر **ر كل مكتبه دخل علي عليه وكال

- اسيد اهدء شبيك تخبلت

- لازم هسه ارجع للبيت

- خير يمعود لتخبلني اهلك بيهم شي

- علي عوفني بحالي لازم ارجع

- شبيك يمعود الدنيا ليل باجر اجزاتك تبلش ونزل شنو هيه بكيفك تروح وترجع

- علي دبرني ماكدر ابقه للصبح

- يا اخي فهمني مرتك بيه شي

اسيد عاف علي يحجي وياه وبده يلم بجنطته اخذ كل غراضه

وكال لعلي واجبي يخلص بال ٥:٠٠ لاصبح وراها اني مجاز انته استلم مكاني من هسه وعافه وراح

وصل البيت الساعه ٥:٣٠ الصبح فتح الباب ودخل سيارته طلع مفتاح البيت الداخلي وفتح الباب بهدوء ودخل كل عقله انو ممكن يلكه احد بالبيت رغم هو مخلي حارس ومحد يكدر يدخل البيت نمله اذا دخلت حسن يدري بيه ورغم هو مراقب حركاته كله خلال ١٥ يوم الي راحت

فتش الطابق الأرضي غرفه غرفه

وصعد للطابق الثاني

اول مافتح. باب الغرفه كل عاده شافه شورت وتعلاكه وشعرهه تارس السرير حس روحه مشتاقله بس لا هو جاي يحاسبه مو يشتاقله اله

قبل ميكعدهه شاف تليفونه مشمور يمه فتحه وشاف المكالمات والوقت الي جانت بيه مشغول عرف جانت تحجي ويه رانيه اخته كال بنفسه ( حقيره كليلي جنت احجي ويه رانيه واني اتتحق بطريقتي ) دخل الحمام. لكاه جاهز ملابسه محضره رجع بسرعه لذهب لان الغرفه جانت تلث أقسام. حمام وملحق بي كنتور وميز أمرايه وباقي الامور وقسم بي سرير دائري وتخم صغير مال غرف نوم وبلازمه

من طلع من غرفه الملابس باوع عليه جانت كاعده ومبتسمه من شافت شلون شكله مستغرب كالت

- كملت جوله استكشافك وتفتيشك

- يعني جنتي كاعده

- أني صاحيه من الساعه بالأربعة

- شمريج أني راح اجي

- مادري بس خلصوًال ١٥ يوم

- ليش سديتي الخط بوجهي وبعدين قفلتي تليفونج

- اسيد باي وقت تتصل بيه راح ارد عليك واسمعك وانقاشك سواءجنت تحجي عادي لو تخيط وتخربط عسما تتعارك بس من تحجي بشكً وهل سوالف هذا راح يكون تصرفي الوحيد وانته اتكد من شكك بنفسك

- هل مره صارت بس مرته الثانيه متلومين غير نفسج

- ورحمه ابويه غير هل تصرف مراح تشوف

- لج انتي شنو تعاندينيً

- ابد

- لعد شيسمونه هذا

- اسمه اني ممسؤله عن مرض الشك الي براسك

- راح اعديه بمزاجي

- اوك .... بس فوت اسبح

- بكيفي

- خرب حضي مزوجتلي طفل. ولا عبالك رجال شكبره

- ولج شنو قصدج

كاله واجه يمشي باتجاه ذهب كمزت وكفت عل جربايه وكالت بسرعه

- ماقصد شبيك اجيتني هاد هيه تصرفاتك طفوليه

- وهاي تصرفاتج مال وحده عمره ٢٠ سنه

- بعدني ١٩ ونص ماصرت عشرين

- والله ماخذ زعطوطً وخبله انزلي من الجربايه

- بكيفي والله

- دنزلي بين ماسبح سويلي اكل

- خليه عل صبح هسه راح اصلي وأنام

- عفوا

- شوف ترى احنه زملاء سكن مو اكثر

من كالتله هيج هز ايده وفات للحمام هو طول بالحمام طلع لكاها نايمه نزل جوه للمطبخ انتبه البيت يلمع وبيه عطر كلش طيب وبارد فات للمطبخ شاف ميز الطعام عليه اكل خله ايده. عل اكل لكاه حار ^ كبه وبورك وزلاطه وصمون حار^ عرف هيه مجهزته اله اكل كمل وغسل الماعين ورتب الميز وصعد شمر روحه عل سرير وكاله

- من نيتج تحضرين الاكل شكو تتفلسفين

- اسيد نام

- لمي شعرج رحمه لمحمد

- هاي اخر شي طلع شعري زاعجك

- كافي انلصمي خلي انام

- طيرت نومتي وتريد تنام

- ماشي يله شتردين مني

- ممممممم سولفلي

-شسولف

- ههههههه. من سديت التليفون بوجهك شسويت

- انجبي ونامي

- الله عليك شحتخسر اذا حجيتلي

مالته واندارت عليه وهيه مخليه اديه جوه راسه وتباوع بعيونه كاله

- فلشت المكتب مالتي

- عزززه صدك

- اي والله وراها خليت علي صديقي مكاني وأجيت

- يعني طلعت وواجبك ممنتهي

- اي وجانت نيتي اليوم موتج على ايدي

- شوف ابني انته كل عقلك واكو وحده خبله تكون وياك وهههههه ... تفكر بغيرك

- والله مالبيجن النسوان حيه مسلمه

- اسيد

- هاااا

- باجر نروح لامك

- اني اروح انتي شكو

- بكيفك مومهم منو الي يروح بس لازم تمر اله

- خير شكو

- من جنت احجي ويه رانيه عرفت انو خاله متلاغيه ويه مرت سند وماعرف شنو صاير بس هيه حيل تعبانه وضايجه

- ذهب متتدخلين بمشاكل عائلتي لأمن قريب ولا من بعيد مرت سند مو غريبه هاي بت عمي

وسالفه الكال والكلت هاي اني ماحبه

اهلي بيهم شي عدهم شي اني وياهم انتي متتدخلين

- أسفه ترى ماجان قصدي اني الغريبه ادخل بشغله بينكم انتو وبت عمك وخلي يكون بالك اخر همي انته وعائلتك وانته زين تعرف هل شي ولو ما أختك كالت وبصوره غيرمباشره رادتني أوصلك هل حجي مجان فكيت حلكي وحجيت

- ترى من كلت بت عمي ماقصدي ......

- مومهم قصدك مشكور نبهتني عن حد مجان لازم اتعداه اني مو منكم ومستحيل اصير بيوم منكم جان لازم اخلي احدود بينه حتى من ادير ضهري وامشي ماكول اكو احد ورايه

مانطته مجال يرد عليه نزلت من الجربايه وراحت سبحت ولبست تراك مخصر مثل كل ملابسه مال البيت لون بنفسجي طوخ وسوت شعرهه ضفيره واخذت تليفونه ونزلت هو بقه يباوع عليه

هيه نزلت اخذت لابتوب مالته وكتبه وراحت لغرفه المكتب تقره بعد ما سوت كهوه اله

هو كعد الساعه ١٠:٠٠ الصبح هيه جانت متريكه ومكمله المطبخ نضيف وكاعده تقرهه هو شرب جاي سواه لنفسه وبدل راد يطلع لاهله كالله

- اني طالع رايده شي

- باجر لازم اروح لأهلي

- سلامات

- مابقه شي للدوام لازم اسوي نقل وهل سوالف

- اني اكمل هل موضوع وراح اداومين مدرسه اهليه ترحين بس وكت الامتحان واذا تحتاجين شي او متفهمين شي بس ذاك الوكت ترحين لمدرسه حسن يوديج ويجيبج

- رانيه وياج بنفس المدرسة

- اكيد لا وبله الصداقات الزايده وياها

- ماشي

كالته ورجعت للمكتب تقره صارت الساعه ب ٤:٠٠ العصر سمعت باب الصاله تندك طلعت من داخل. من الباب الصاله شافت مرت الحارس فتحت الباب وكالت

- هلو خاله خير خوما كوًشي

- يمه والله حضره النقيب خبصنه خوما بيج شي ليش تليفونج مقفول

- والله مادري بيه خاله من البارحه مقفول ونسيته هسه احاجي

- يله يمه اني اروح واذا حتاجيتي شي بس تصلي

- ماشي خاله مشكوره