من انتي لتملكيني

Parte 5

طول الطريق جانت تراسل بشخص وتضحك بهدوء طبعًا هذا الشي ميصرف لاسيد الي ممعبرته. جان يكول

- ويه منو تحجين

- طبعًا أختك إنسانه رائعه

- رانيه

- ليش عندك أخت غيرهه

- لا بس استغربت يعني هيه مو كلش اجتماعيه

- ادري رانيه حذره بعلاقاته وصداقاته وحبه اليه واصراره حتى تتعرف عليه اكثر وأكثر. مو حبًا بيه

- لعد

- رانيه تحب اخوهه اهوايه وتحاول تكون صديقه البنيه الي يحبه اخوهه حتى ميصير مشاكل بالمستقبل وتبقى هيه واخوهه احلا اخين

- مستحيل اكو مره تخلي علاقتي برانيه تتدهور

- هذا الي أني وانته نعرفه بس رانيه لا تشوفني شخص دخل حياته فجاءه ويريد يأخذ اخوهه منه

- وهسه شنو

- عادي صرفي طبيعي خاصه هيه اليوم عازمتني عل غده

- اعتقد كلت من البدايه ماريد سالفه الطبه والطلعه وعلاقات ماله داعي ويه اهلي

- ادري بس لازم نساير الوضع بالوقت الحالي

- ماشي بس اذا رحنه بيت اهلي ماكو داعي لغوهه زايده وخبالج هذا اذا اشوفه الله ميشفعلج. وحطي بالج اخويه بالبيت.........

- اسيد. أني اعرف احدودي واعرف اشلون اصرف بله محاضراتك

- اسمعي لج وديري بالج تتذاكين براسي كدام اهلي والله ادفنج وميرفلي جفن

اسيد جان يلقي بمحاضراته الي متخلص بس ذهب جانت بعالم ثاني بعيد كل البعد عن اسيد وشكله وافكاره

وصل البيت وكاله

- انزلي وصلنه

- هااا

-شبيج وين طرتي

- ابد بس افكر بشغله

- شنو خايفه

-اخاف من شنو

- يعني رايحه وحدجً لبيت رجال غريب وو

-هههههههههه اخاف منك اسيد بربك شتحس

- شنو الي يضحكج

- الي ضحكني انو المفروض اكثر شخص أتحسس المرءه بالأمان وياه وتحسه سند اله هو زوجه وانته جاي تكلي بكل بساطه متخافين من جيتج وياي

- هذا الكلام ينكال للاثنين زواجهم طبيعي مو بتفاق مثلنه

- من الأخير حضرته النقيب انته زوجي بشرع الله يعني كدام ربي ماعدي شي وثانيًا وحتى نسد هل موضوع رغم انته والشهادة الله ورقه سوده مابيك خيط ابيض

من كالت هيج رفع اله حواجبه أما هيه كملت. وكالت

- مع الأسف الشديد أني كلش اثق بهل ورقه السوده

من كالت هيج ساله باستغراب

- ليش

- البيت مبين جبير. كلش بس شنو هذا الملحق معقوله حتكعدني بي

ابتسم ونزل راسه ويحجي ويه نفسه. ( يجي يوم جاوبيني على كلشي واشوووف شلون شردين)))

- لا اكيد هذا الملحق راح يكعد بيه الحارس حسن هو ومرته رجال جبير. وماعدهم أطفال. لان اهلي واهلج مو بسهوله كدرت اقنعهم تبقين وحدحج من التحق

وخلي بالج خطوه وحده برى البيت متخطين اذا مو حسن وياج

- اوك. خلينه ندخل نشوف البيت

-اوك

جانت تفتر بالبيت جان تكول

- اسيد

- نعم

- منو صمم البيت

- ماعرف جنت اكلب بالانستا ودخلت على حساب مصمم اجنبي واخذته

- هذا المكان. الي بي الحديقه احلى شي بالبيت

-مو مهم البيت فارغ مابيه ولا قطعه اثاث

- مو مشكله ناثثه

- لج بابا اقل سبوع بقه للعرس شتاثثين. واحنه حتى غرفه نوم ممشترين

- وين المشكله

- حليه بله

- هسه ندخل على موقع مال شركه اثاث. نختار الأثاث الي يعجبنه ونحجزه يومين بالكثير يوصلن

تبقه شغله غرفه النوم وكاونتر المطبخ ننطيهم التصاميم والقياسات مما الشهر بكملن احنه رايحين شهر. للبنان

نرجع قبل الموعد بسبوع. نكمل كل شغل البيت. وعود انكلهم احنه رجعنه

اقتنع اسيد بكلام ذهب ولأول مره بحياته يأخذ رأي احد بشي جان كاعد هو وذهب ياختارون الأثاث. وكل شويه يتعاركون عله شي بس بالأخير. يقتنع او يقنعه بالع**.

وراها الأثاث الي اجه بقوه بكارتوناته رغم هوايه اصرو عليهم اهل ذهب واهله يرتبون البيت الهم بس همه قفلوا ب لا احنه عود بعدين نرتبه

اليوم الحنه ذهب عزمت كم صديقه حسب ميسمن تعرفهن من ايام المدرسة وبنات عمه وبنات خاله

أما امه عزمت كل الاقارب وتتباهه بزوج بته النقيب جانت اكو ابتسامه على وجه نرجس اخته وفرحانه اكثر منه وعبالك هيه العروس وذهب فرحانه لشي ثاني

راح تحقق الي تريده مجانت تصور ذهب اسيد راح يجي يحضر الحنه خاصه هو بمحافضه وهيه بمحافضه يعني ساعه ونص تقريبا بينهم الطريق

جانت لابسه فستان مثل البدله احمر قصير من تصميمهه كل عاده من دخل اخذله صفنه بيه من دون ميحس احد. وبعدين كعد وكال وهو يوزع ابتسامات

- ممكن مره ثانيه سولفين خرابيطج الي مو الرانيه

- اي خرابيط

- شوفي لج اكفر بيج والله تالي عمري البس حسب أوامر حضرتج

- شنو (كالته وانتبهت لملابسه. جان لابس قاط نيلي وقميص ابيض والرباط احمر صفنت عليه وكالت وهبه تباوع عله رانيه ونرجس الي يضحكن وبين عليهن هنه وره هل دكه)

- ذني منين يعرفن كل هاي الأشياء الدفتر اني حركته

- يا دفتر

- مومهم اسيد فدوه خلي الحنه عله ايدي وخل نخلص من هل مهزله كافي طولنه هواي بهل مسرحيه وترى اني مكايله لاحد خلي يلبس هيج وبأجر معليك بيهن شتريد تلبس البس

-ترى مجاي افهم شي

- سوي الي تريده اني مكايله لأي احد خلي يلبس اي شي

اسيد استغرب من تفاجاءه. والشك كل عاده اكل راسه حناها وهو يفكر منو هذا الي جانت مخططه تسوي كل هاي الأشياء وياه لازم يعرفه ويعرف اذا جان موجود او لا

خلصت على كولت ذهب المسرحيه وجان اهل اسيد مضطرين يرجعون لبغداد حتى يكملون احتفال مال حنه اسيد.

أما اسيد رجع لبيت ذهب الساعه ب ١:٠٠ بليل بحجه اكو شي مهم لازم ينطي اذهب

جان اسيد واكف ويه محمد اخو ذهب الي جان يوصي يدير باله عله ذهب بالوقت الي راحت نرجس تصيح ذهب

بس نرجس من دخلت لكت اخته صافنه عله روحه بالمرايه وتايه

كالتله

-

- ذهب

- تعالي ست نرجس

- اليوم جنتي كلش حلو وابتاسامتج حلوه

- بله هل كلام الزايد وفهميني وين لكيتي دفتري او بالأحرى شلون عرفني الي بي

- أسفه ذهب موقصدي أفتش بغراضج بس من واحنه ازغار اني احب اقره كتاباتج بالسر واتف*ج عله تصاميمج

- بس انتي زين تعرفين اني انجن ولا احد يدور ورايه( كالته بكل غضب )

من ذهب صاحت بنرجس بصوت عالي وغضب اسيد جان صاعد لغرفته سمعه من صاحت بخته بقه واكف ويسمع كلامهم

- ذهب انتي اختي بعدين اول مطلع معدلج وردتي تعيدين وكل هل مشاكل الي صارت ورفض امي وتدخل صلاح وجنان احمد عرفت راح تحركين الدفتر الاسود

- اي

- اي صورته كله بتايفوني

- شلون

- هههههههههه والله مسحته لان ذاكرت تليفوني نملت

- لعد منين جبتي ذني الرسمات وكلتي لاسيد شيلبس

- ذني ماكدرت امسحهن

- وانتي بكيفج تتخيلين منو كلج اسيد هو نفس الشخص الي راسمته بالي

- ذهب زين اعرف النتائج طلعت والي خله اختي تبتسم هو اسيد مو غيره

- على فكره اسيد ماعرف شكد معدلي

-يرى جنوني منطق ومن الجنون ميسالج على هيج شي مو اختي

- نرجس كافي اجنان واطلعي خلي انام

- اووووف نسيت

- شنسيتي

- اسيد دزني عليج هو هنانه يمنه

- شنو

اسيد تقريبا اخذ جواب سؤاله بدون ميسال قبل متطلع نرجس من غرفه ذهب هو دك الباب من فتحت نرجس الباب كال

- مو كانو طولتي

- سوري بس جانت الافنديه تهدد بيه

- ههههه اوكً بس بعدج مصره انتي ورانيه باجر تطلع جني قلم طباشير ابيض

- اكيد لازم تلبس قاط ابيض. هذا طلب حبيبه القلب ذهب

- اسيد معليك بيهن البس الي يريحك

- لا حبيبتي البسه اصلا عاجبتني الفكره بعدين اني اصلا اشتريت القاط

نرجس عافتهم وطلعت وهيه فرحانه مبين عليه يحب اخته هيج جان كل ضنه وهي متدري هو ساكت لخاطر اخته وحتى محد يحس بشي كاطعت. صفنته ذهب من كالت

- خير اسيد شنو هل شي المهم الي جايبك بنص اليل

- ماكو شي مهم هسه ارجع

- هاااا

- ترى مامظطر ابرر تصرفاتي

- اوك على راحتك اخر همي

- ذهب

- نعم

- عندج علم طلعت النتائج

- اي ومآخذه صفر بالمادة الي ماجلته

- انتي شكد جان معدلج

- ٩٣

- شنوً لعد ليش عدتي

-على كولتك مامضطره ابرر تصرفاتي

- لا لا بس هسه راح اسكت وراها لا

- ماشي هسه اكدر انام

جان صافن عليه شنو ممكن الي يكون. تريده ست ذهب.

رجع للبيت بس هم ماكدر ينام طول اليل يفكر هل يا ترى الي سواه صح لو هو ارتكب غلطه عمره ليش هيج مر الوقت بسرعه ومخلاه يفكر بشي

حفله عرس ملكيه من تصميم ( محمد ونرجس ورانيه ) الي نسجمت وياهام بسرعه وتقبلت بسرعه وصارت نرجس من اعز صديقات رانيه. الي طول الحفله مشالت عينه من محمد الي هو نفس الشي جان يبادله النضرات

ذهب جانت لا بسه بدلع مال محجبات. واسيد لابس قاط ابيض الي ظايفله جمال وهيبه اله

بس هو جان ضايج من شغله علي صديقه اول مطب للقاعه سلم عليهم. وطلع بسرعه بحجه اجاه اتصال هذا صديق عمره ليش راح بدايه الحفله.

وراها خلصت الحفله وزفوهم للفندق

دخلت رانيه ونرجس ويه ذهب الي نزعت الحجاب وشي مثل الستره

فطلع شكل ثاني للبدله مالته

بلا اكتاف بلا ضهر ومن جوه هيه اصلا منفوشه وصده ضاب كله حبات كرستال تع** الضوء على وجه

من دخل. اسيد ماكدر يخفي رغبته بالحصول عليه ماكدر يسيطر على نظراته فكاله

- علمود صوره جايبه بدلتين

- لا هيه نفس البدله بس مرتك مصممه ماهره

- عوفينه من هل سوالف رانيه خلي ناخذ الهم صور ونطلع

- اي يله

جانت رانيه ونرجس يأخذن صور بوضعيات حلوه ومختلفه وره مكملن كال اسيد

- ترى راسي افتر شوكت تكملن

- بس هاي اخر جلسه بدلو ملابسكم

- رانيه ونرجس برى

من كالت ذهب هيج اسيد التفت عليه وكان الكلام الي كالته ماعجبه شلون تطرد اخته وهيه عرفت معنى هل نضره فكالت

- الضاهر حضره النقيب عاجبه يصلخ وياخذ صور بس مع الأسف اني ماقبل احد يشوف زوجي بلا ملابس صح انتن اخواته بس الي تسحب الصور هم بنيه واني أغار ....

- اوكفي لج شنو مصلخ

- اي يردن يأخذن النه صور بملابس النوم

- شنو يعني احد غيري يشوفج بيهن

من كال اسيد هيج رانيه ونرجس ماتتن ضحك ورانيه كالت

- نرجس حبي خلي نطلع ليصير كتلنه عمل شعبي

- اي والله.

طلعن رانيه ونرجس وذهب جانت صافنه على روحه بالمرايه اسيد نزع سترته ونزع القميص شمره عل جربايه

انتبه عليه جان ضهرهه كله طالع لحد المحزم صافنه على نفسه بالمرايه وكف وراها مباشرتا وكال

- شبيج

- ولا شي بس صح الي سويناه

- هسه جاي تفكرين صح لو خطا

- هههههههه ... متاخره مو

كالته وندارت عليه فصارت تقريبًا بحضنه. كال

- لا زم نكمل الي بديناه

- شنكمل ً

- اهلي برى ينتضرون البشارة

- تحجي صدك انته تخبلت ناسي بينه اتفاق لو شنو .... بعدين شهل تخلف والله لو تموتني شتريد تاخذ وصله بيضه بيه دم وشوفه الهم

اسيد مجان اله اي نيه يقترب منه بس اليوم لا كل شي بيه يريده عده رغبه انجاههه مو طبيعيه

ولا مره جانت بداخله هيج رغبه اتجاه اي مره

بس رفضه الغير مبرر وموقفه الصادم خلاه يفكر معقوله الي براسه صح كاله

- اولا اني مستحيل اسوي هل شي وأخذ وصله بيضه وهل سوالف. بعدين ليش هيج تخبلتي معقوله اكو شي ليكون انتي موبنيه

لذالك وافقتي عله هيجً زواج

- اوك خلي ننهي كلشي هسه مدام اهلي واهلك بعدهم بالفندق

- شنو الي تنهينه

- الشي الي زوجتك علموده حققته شسيوي بعد رجعني للاهلي

- اي وشراح تكول العالم اكيد بيه شي هل رجعه

- اخر همي الناس وكلامه

- ذهب الموضوع يخصني مو بس شغله شك

- لا يحجيه بربك اكو صاحي بليله عرسه يحجي هل كلام

- ترى طولت خلك هواي وياج بابا زواجي اني وياج تقريبا لفتره محدده وانتي وراح حياه ومستقبل شتريدن يكولون مو رجال

- ههههههه ... لا تخاف ماناويه أكرر هل مشروع الفاشل

- لعد ليش هيج رافضه قربي

كاله وهو يقترب منه يريده بالطيب بالغصب يريده بحضنه بكل الطرق اليوم لازم اصير اله كالت وهيه متوتره من قربه وخجلانه وتقريبا تبخر غضبه

- خايفه

- ليش مو انتي كلتي ماخاف واني وياك

- هل موضوع غير اسيد مجان هيج اتفاقنه

- نعدل الاتفاق لمده شهر وراها نترك الي عشناه بشهر العسل ورانه وندخل بيتنه وكان شي مصار

- شهل تعديل

- كلام زلم وره هل شهر ماقترب منج دون رضاج

اسيد جان يحجي وياها وهو يهمس يم أذنه انفاسه تتحرك على ركبته وهو يحاول يقنعه لان مستحيل. يكدر يسيطر على رغبه بتملكه وهيه بدت تستلم لمساته ماحست غير بدلته وكعت بالكاع وهيه مشموره عله جربايه واسيد فوكاها جان يتفنن وياها يحير شيسوي بس هيه مثل الصنم

حار شيسوي حتى تبادله بس ماكدر. يأثر عليه

رغم جان يحس برجفة جسمه جواه وهذا الشي الي خلاه مثل المجنون وهو رجل مستحيل تقاومه اي مره بس ذهب كل الي سوته مجرد استسلام

حس الصبح على صوت الباب مال الغرفه جان ناسي هو وين وشنو المناسبة يحس اكو شي ناعم بين اديه وهذا العطر الي كلش عاجبه فتح عيونه

لكه ذهب نايمه بحضنه وهو حاضنه بطريقه. كان راح تشرد منه ذكر كل الي صار وستغرب من روحه شلون هل طفله حسب رأيه هيج تخليه متاثر بيه سحب نفسه من السرير ولبس بجامته وفتح الباب جان اخوه سند بالباب شافه توه كاعد وشعره نازل عله عيونه كاله

-صباح العسل يا احلا عريس

- شعندك جاي من صباحيه الله

- الضاهر العروس ماكدرت تاثر عليك وتغيرك شويه

- شعندكً جاي

- طيارتك بعد تلث ساعات

- منا للمطار ربع ساعه هاي جنطتي ومستمسكاني واعرف اروح انكلع ولي

- مره اخويه وين

- سند تولي منا لو ادليك الدرب

- هههههههه ...... الغيوروررر

اسيد سد الباب بوجه اخوه ونبه تليفونه حتى متفوته الطياره ورجع حضن ذهب هو مستغرب من روحه شلون حاضنه كل قوته

وره فتره كعدت هيه ضلت صافنه بوجه من يصحه شي ومن نايم شي ثاني بعدين شكو هيج حاضني هذا مصدكً روحه عريس وعروس. جان كل الي يدور براسه الألم الي سببه اله ليله البارحه. بس حتى يرضى غروره وهو حس بيه تباوع عليه فتح عيونه وهيه غمضت كاله

-خلصتي فحص بعدج

- فحصيش

- شكد صارلج صافنه بوجهي

- هسه يله عرفت لون عيونك اخضر

- اي وشعري اسود وبشرتي بيضه طولي ١٩٠ وزني ٨٠ واني ظابط برتبه نقيب

- ههههههههه لا وتعرف تنكت وتحشش مجنت اصور

- لا اعجبج شتكولين هسه تقبلين تزوجني لا

- مادري افكر

- اي لا اخذي راحتج هذا قرار مصيري بس بالج بعدساعه ونص مقرر اطلع شهر عسل لبنان يعنيً هيج برنامجي

- لا خلص بيه لبنان اكيد موافقه

- متأكده.

- اي بس اذا مصير زحمه عليك قضبان السجن مالتك رخيه

- قضبان

- اسيد والله العضيم ابد مفكرت اشرد منك ولا راح افكر لان اكو روحه البنان

- هاا

- يا عيني رخي اديناتك اريد افوت. الحمام مابقه شي لموعد الطياره

- اوك افوت وياج. ماضمن تصرفاتج تدرين رجال شكاك اني

- اسيد ترى طوخته

- عريس وبشهر العسل اسوي الي يعجبني

- بس مو تدخل وياي للحمام

- عادي ليش هو اكو شي اني مشايفه بعدين اني رجال حاب اعرض خدماتي وأساعد الآخرين

- لا شكرا اكدر اساعد نفسي

- متأكده. بيج حيل تكومين وحدج بله مساعده

كال هيج وغمزله الموقف الي خلاها بيه لا تحسد عليه صارت حمره من الخجل والغضب وهذا اكثر شي يجذبه اله نهض من السرير وشاله هيه والشراشف الي متغطه بيهن ودخله الحمام اظطر يطفي الاظويه مال الحمام بعد توسلاته

الي ديصير شي غريب بالنسبه للاثنين زواجهم مجرد اتفاق بس الي ديصير بينهم

ميدل عله هل شي

سافرو لبنان وكانهم حبيب وحبيبه بشهر عسل بس الي خله كلشي يرجع لمكانه كلامه من رجعو وفتح باب البيت ودخل كاله

- ذهب

- نعم

- شهر العسل خلص اليوم احنه بيتنه يعني كل الي صار ينترك بمكانه واتفاقنه قائم وشروطي غير قابله للنقاش

- ليش اني كلت شي

- لا بس تحسبًا لأي شي