من انتي لتملكيني

Parte 4

دخلت ذهب لكت نرجس كاعده بالمطبخ كالتله

-كومي غيري ملابسج والبسي حجاب

- شمتوقعه راح اطلع اسلم على هذا الزباله

-ولج هاي عليمن زباله

- لا والله هاي من شوكت تدافعين لصلاح

- شوف هاي بابا اسيد راح يبات هنانه

- هااااا اذا هيج راح البس إحرام صلاة مو بس حجاب

- خبله والله

- اكول هذا المكروه وين

- والله حضرة النقيب انطاه رد معدل وخلاه بس يريد يشرد

- والله هل ونقيب معدل فوك ما جانتل مان يعرف عليمن يهد

- امشي لج اشو متستحين تتغزلين برجلي كدامي

- ذهب

- هاا

- ترى اسيد مبين ابن حلال أني ادري ليش قبلتي بي وادري اكيد حطيتي شروطج بس هو وافق يعني الولد شاريج احسه يستاهل تعيشين وياه ذهب المرحه ام ضحكه الحلوه

- واني من راي نرجس

- محمد

- ذهب هذا الولد يستاهل تكونيين وياه بله حواجز

- ترى انتو فاهمين الموضوع غلط ترى أني واسيد علاقتنه طبيعيه

- ذهب اسيد اكيد عايش طبيعي بس انتي لا لان احنه نعرف ذهب الطبيعية

محمد ونرجس جانو يحجون ويه ذهب ويمدحون باسيد ومسوينه ملاك

بالوقت الي ميعرفون هذا الزواج مجرد صفقه مو اكثر

وماكو اي شي طبيعي ذهب ضلت ساكته

نرجس صعدت الغرفه غيرت ملابسه ولبست حجاب

ونزلت سلمت على اسيد

طبعًا اسيد جان يعامل الكل بكل احترام

وراها نزلت ذهب لابسه تراك عادي نيلي وابيض ولامه شعرهه بطريقه عشوائيه احمد طلع بعد ماجاه اتصال وأمهم راحت نامت

بقى كاعدين بس اسيد ومحمد ونرجس وذهب

كال محمد

- اي ابو النسب هسه انته وين اداوم

- الرمادي

- شلونه الاوضاع

- يعني تكدر تكول زينه ...... انته شتدرس

- كليه عسكريه

- صدكً والله

- اي والله نفذت رغبه الست ذهب ودخلت الكليه العسكريه

- ماجنت اعرف ذهب تحب هذا المجال

- لا صدكً اصلا ذهب كومه كاتبه عل عسكرين

- نرجس

اسيد جان يأخذ وينطي بالكلام وياهم حس محمد ونرجس صدكً ناس طيبين

بس وگف يم شغله ذهب تهتم بالعسكريين

لذالك كال

- اي ذهب هسه أني ادري انتي كاتبه لذالك سمعينه شي

- نرجس تخربط بكيفه ماكاتبه شي بعدين العسكريه هيبه ومصنع ابطال ورجال لهذا السبب جنت مصره والح على محمد يدخل كليه عسكريه مو اكثر

طبعًا اسيد ماقتنع بهل كلام ورفع تك حاجب الهه

محمد اجاه اتصال وطلع يخابر أما نرجس الي نعست نهضت رادت طلع جان تكول

-ماتعرف تحب العشك ماطر على عتابه ماضاگت طعم العشگ الماعشگت على جتافهه نجمات وبراسه بيريه

اسيد ضل صافن ذهب دخنت من الغضب نرجس ضحكت وشردت وهيه تكول هم كولي أني ماكاتبته

طلعت نرجس واسيد اندار على ذهب الي معالم الانزعاج واضحه عليه بعد ماكامت وكالت

- تصبح على خير باجر نشاوف

الشك صار ميه برأسه معقوله جانت تحب عسكري ومات او عافه اي واله جان هسه هيه وياه

للصبح مانام وهو يفكر

قبل ميكعد احد صعد لغرفته فتح الباب ودخل فتح الضوه وكل عاده المنظر خلاه ينسه اسمه اخر شي سيطر على روحه وأتذكر هو على شنو جاي وكال وهو يحاول يكعده

- ذهب ..... ذهب

- ممممم

- وسم اكعدي اريد احجي وياج

فتحت عيونه وهيه بالكوه تحجي وكالت بصوت نعسان وخدران

- اسيد ...

- صحصحي ....( كاله وهو يلعن الشيطان)

- بيش الساعه

-٥:٣٠ الصبح

- مو بعد وكت

- حبيبج عسكري

من كال هيجً غمضت عيونه وضحكت وكالت

- اسيداعتقد انته اصلا مانمت اليل وانته تفكر بهل موضوع بس لا ميحقلك تسألني شي عن حياتي الخاصة لا أني مجبوره افسرلك واشرحلك عن الماضي

راد يحجي بس هيه سبقته وكالت

حلم كل بنيه تتزوج شخص هيه صانعته بمخيلته وتحبه اله أني

من كالت هيج كال يستغرب

- ليش

- جنت اتمنه لا بالأصح اعشق ظابط كله هيبه وفخامه راسه مليان غيره وكله شهامه اتباها بي بين الناس

طبعًا هذا كله خيالي لان بالواقع لو تقدملي ظابط وكال يعشق التراب الي امشي عليه هم جان رفضت

-شنوالسبب

- سبب واحد من شروطك لان يا حضرة النقيب أني ماقبل احد يشاركني باملاكي والظابط صح يحمي الوطن بس نسبه الخيانه عنده لزوجه او حبيبته مليون بالميه ومن ي**ن يعني خلص صار فرض واجب اتركه

- اولا مو الكل مثل متكولين اكوظباط ملكه جمال متهز شعره بيه اذا اكو غاليه باله وثانيًا اذا انتي هيج لعد شكو قبلتي بشروطي

- هههههههه ..... منو كلك انته ملكي اوشي يهمني راح اكولك هل شي ادري راح تعتبره صلافه وقله أدب الي سميه

بس انته مجرد وسيله اوصل بيه لغايتي اقدملك خدمهً وتقدملي خدمهً مو اكثر هذا كل مافي بينك وبيني

رغم انو اسيد جان باله الف سوال بس بعد الي كالته صار من الغباء يسأله اصلا هو شكو مدوخ روحه بيه شعليه بماضيه المهم الحاضر وشلون راح تخلصه وياه كاله تحضر الريوك وتحضر نفسه حتى يطلعون وطلع من غرفته إما هيه صفنت هوايه بالسكف يله نهضت من السرير

غيرت ملابسه لبست دشداشه اسود واحمر قصيره وضفرت شعرهه الي واصل لركبته ونزلت حضرت الريوك طبعًا هيه طبخه شي لا يوصف مهما كان الطبق سهل وبسيط تبدع بيه كملت واتجهت ناح الغرفه الي موجود بيه اسيد جان يبدل يسد بزرار القميص فكالت

- حضرة النقيب

- ذهب

- تبعني ..... بسرعه أيها النقيب

ضل اسيد صافن هل بنيه شنو طينته لازم تكون ماخذه موقف مثكله وجه بس هيه تصرف كلش طبيعي ولا كانو صار شي

نزل وراها وتجهو ناح المطبخ كعد على ميز الطعام

المنظر يشهي مومال يأخذ موقف ومياكل هيه تجهت للطباخ تاخذ قوري الجاي صبله جاي

هو يباوع على كل تفصيل بيه حركاته بعدين كاله

- ليش لهسه ممبدله

- ترى بعد وكت خلي عل اقل يكعد احد من اهلي حتى اكوله

- نكمل ريوك وروحي بدلي

- حاضر سيدي ( كالته واخذتله تحيه مثل الجندي هو مكدر يسيطر على روحه ضحك وهيه كالت )

- شنو هاي طلعت تعرف تضحك

- بله هسه شكولجً

- كلشي لتكول اكل وانته ساكت

- شنو

- المصلحتك شبيك احتمال اثناء متاكل يدخل اكل للمجرى التنفسي ولا سامح الله اترمل أني من وكت

- انتي مجنونه

- لا شبيك هسه لو انته بالواجب متت عادي اسمه مرت الشهيد بس هنانه صدكني كله تكول بومه وجه الفكر موتت الرجال قبل حتى ميزوجون

- لا مو صاحيه انتي.

- لا والله عقلي تمام وكًولشي مابي وأفكر بمصلحتي يعني كم يوم وأطير لبنان وانته وانته تريد تموت غير اكفر بيك

- بله شلون تكفرين بيه واني ميتً

- ههههه بسيطه

- شلون

- شوف عرفت شي عنك

- شنو

- انته بالإضافة لكونك شككاك فوول

- اي

- عندك غيره وحب تملك بشكل لا يوصف

- اي وبله بشنو راح يفدج هل شي

- انته مو راح تموت واكيد راح يدفنونك واني اكيد لازم اروح

- ياربي شهل صباح. اي وليتي لدفنتي

- شايف من انته ميت وشوف الي داير مدايرك ومرتك الي هيه أني واتغزل بالدفان وانته متكدر سوي شي

- هههههههههههه لا هاي صدك قويه خوش نقطه

-شلون خوش نقطه

- من اريد امووت احط طلقه براسج واموتج وياي

من كال هيچ ذهب رفعت راسه للسماء وكالت

- الهي سيدي مولاي الحفضلي هل رجال الي ماكو منه ثنين وطووول طوول بعمره وادري بالموت حق وكلنه لازم نموت بس فدوه اروحلك موته بعيد عني

- ههههههههههههه. ولج شحجي شكول انتي بلوه والله ذبج عليه.

- شنو بلوه غير اخبل أني

- لا والله مصدكه روحه دكومي بدلي صطرتيني من الصبح

- اسيد

- هاا

- خليك وياي الموضوع. جدي

- خير

- أني وانته

- شبينه

- مراح نعيش سوى يوم واله اثنين المده مجهوله لذا خلي نكون عل اقل اصدقاء بله ما واحد يكعد ينكد عل ثاني

- اوك الله كريم هسه كومي بدلي فظيني

- اوك .... اوك مستر مستعجل

- مستر شنو

- مستعجل

كالته وهيه طالعه من المطبخ وهو صافن شلون راح يخلص حياته ويه هل خبله حسب ميسميه بدلت ونزلت كالت لنرجس انو هيه رايحه ويه اسيد حتى تكل للباقين

همه اصلا عدهم علم بس هسه كونه هيه طالعه وهمه نايمين