من انتي لتملكيني

Parte 3

- هلو حياتي

- هلو بيج عمري اسيد اجاچ

- اي هياته يمي

- الحمد لله

- خير شصاير

- لا بس طلع معصب خفت لا ميجيج

-لا هذا يمي بس خير ليش دازته

- اميً دزتلج كم شغله

- تسلملي خاله ربي يحفضه

- مو تدللين بعد انتي مرت الغالي

- فدوه الكلبجً

سدت التليفون. وكالت

- شكلك انته الي راح تفضحنه مو أني

- هذي رانيه

- اي

هيه جانت تفتح بالغراض الي امه ذازتهن اله وهو عيونه باماكن ثانيه. صفن عليه كميه الكتب الي موجوده بغرفه. اكو طابعه وجهاز لابتوب بعدينً لفت انتباهه الملكانً الي مو جود بالغرفه شنو قصته

شويه وكام يفتر. بالغرفه لاحظ شباك غرفته يطل على ممر وره البيت يعني مو عل شارع ولا على جيران يعني محد يشرف عليه بعدين شاف مكينه خياطه كالله

- انتي خياطه

- أني مصممه أزياء بس اخيط ملابسي

- لا والله

- فستان العقد والفستان الي لبسته بحفله المهر من تصميمي

- زين الكم الهائل من هل كتب شنو سالفته

- أني كاتبه. وبنفس الوقت اعشق القرائه

- شوكت تلحكين سوين كل هاي الامور

- وكت الي ماعندي دراسه اهتم بهل أمور

- عندج فيس بوكً انستغرام

- عندي كل البرامج بس ميفيدنك خليك عل سيمكارت احسن

- ليش

- أني قليل. استخدم تليفوني كعدتي عل نت شبه معدومه

- غريب البنات الي بعمرج يحبون هل أمور

-هيه مو شغله احب وما احب أني مو عازله نفسي عن العالم بس ادخل اشوف شكو ماكو واطلع يعني اذا طولت ساعه

- شايف بنات تبقى ساعات رانيه اختي حتى سهر تسهر

- عده احد تحجي وياه أما أني لا

- شنو قصدج بعده احد تحجي وياه

- اهدء ماقصدت الي بالك متفكر بس بهل اشياء

- لعد شنو قصدج خاتون

- يعني عده صديقات كروبات تتفاعل بيه

- تقنعيني انتي ماعدج صديقات

- ماكو داعي اقنعك بس ماعدي

- ليش

- يعني موكلش أتأقلم. ويه الناس

- راح تفيديني بهل نقطه

- شلون

- يعني علاقات زايده ويه الگرايب وهل خرابيط

- اذا اهلك وأقاربك. خوش ناس ليش لا

- بلاها بكل الأحوال

- والله بالوقت الحالي اخر همي العلاقات

- ذهب

- ها

- باجر ترحين ويايه نشوف البيت

-يا بيت

- بيت جدي

- ليش

- لج ثوله بيتي

- هااا اوك اوك بس ممكن تقلل من استخدام كلمه ثوله

- اوك من عيوني بس من تبطلين ثول

- ??

- هسه يله بدلي خلي نطلع

- وين نطلع انته ليكون مصدك بروحك مخطوبين

- شوفي أني مادري ليش عندي شعور. موتجً حيصير على ايدي شي يوم

صفنت عليه الوضع ماعجبه كالله

- تعاي اخذ*لج راشدي

- لا زحمه طول بعرض ضابط واهفك براشدي

من كالت هيج گمز عليه يريد يضربه هيه ماتت من الضحك جواه صفن عليه شلون دموع كامت تطلع من عيونه من الضحك بعدين كال

- خبال لج كومي ثوله.

- اووووف ربي صار شكد مضاحكه. خرب اسيد والله ضحكتني

- ترى مجان قصدي اضحكج

- عادي عادي اخر همي شنو قصدك المهم شعوري

كالتله هل كلام وبعدت الغطه عنه ونهضت باتجاه الكنتور وهو صافن شنو من ابنيه هاذي بعدين ضل صافن على جسمه جانت لابسه شورت وتشيرت تعلاكه لونهم اسود تمشي عادي كدامه طلعت ملابس وفتحت باب الحمام الي بغرفته ودخلت هو نفس وضعه

طلعت لابسه ( جمبسوت ) رصاصي وشعره مفتوح هو ضل صافن عليه مشطت شعره ولبست حجاب اسود ولبست بشت اسود طبعًا هيه من جانت أتخلي مكياج هو مجان عاجبه الوضع

اخر شي رشت عطر عليه الي لفت. انتباهًا عطره اخذت جنطته وتليفونه واتصلت على محمد اخوهه

- الو

- هلو ذهوبه

- حياتي اجه اسيد وتعرف بعد كم يوم للعرس حروح وياه نكمل النقص

- قصدج لبغداًد

- لا حبيبي هنانه

- اوك يعمري روحي

- وامي واحمد

- معليج ذهب عوفيهم عليه بعدين انتي طالعه ويه رجلج همه شكو

- ماشي حمودي رايد شي محتاج شي

- سلامتجً حبي اطلعي وتونسي

جان اسيد مركز ويه كلامه شلون تحجي ويه اخوهه الي سمعه ميكول تحجي ويه اخوها من كملت كال

- هذا منو

- محمد اخويه

- مو كانو الرومانسيه زايده بحواركم

- والله لوجنت بوضع ثاني جانت كلت هذا يغار بس هذا هسه شيسمونه

- انجبي لج بعدين مو علساس علاقتج باهلج خربانه

- محمد غير هذا شي مختلف.

- شلون بله

- يعرف ذهب شنو. شنو الي ممنوع عندي مسموح وشنو الي لا

- اوك يله امشي كدامي

- صدك احنه وين رايحين

- اكو حديقه يم الشط

- ويييع مقرفه

- ناخذ كم صوره ونرجع

- عفوا

- رايح اشوف خطيبتي هل يقل نبقه بس بالبيت

- قنعتني

- غصبا ماعليج تقتنعين

- ههههههه

طلعوا سوى ركبًا يمه بالص*ر جان يراقب كل حركه سويه يشوفه تتنتبه عل سيارات من يصيرون بالازدحام

يهمه الي يمشون بالشارع لا

ميدري ذهب اخر همه هل أمور

ذهب جانت الزوجه الي يتمناها بس مستحيل يثق بوحده الي يشوفه عينه

وخاصه طريقه زواجه بيه شلون قبلت بكل شروطه اكيد عده واحد هل فكره مستطيل من راسه وصلوا الحديقه. كالتله

- خلي ناخذ صوره هنانه يم الشط مندخل الحديقه

- ليش شنو السبب

- حضره النقيب الحديقه مؤمن مستوايه اذا انته متعلم عله هل اماكن أني لا

- اشو دخلين وراسج فوك رجلينجن

- اسيد راح اكلج شغله وحده

- هه

- أني گدام العالم وبالواقع صرت عرضك مرتك على ذمتك واحمل اسمك يعني مو وحده من صاحباتكً حتى دخلني هيج مكان

- شنو هيجً مكان حديقه عامه شبيه

- ههههههههه ...... صدكً والله متعرف شبيه

- ولطم لضحكين شبيه شمدريني سالت صديقي عن مكان ينكعد بيه وانطاني هل عنون

- بله شكتله لصديقك متواعد ويه وحده لو طالع ويه خطيبتي

- شعليج انتي

- حضره. النقيب هذي الحديقه بيه قسم لأهل الشرب وقسم للكبلات قسم كوفي شباب يعني متخدله بت عالم وناس

- لا بربج

- اي وربك

- زين انتي شمعرفج بهذا كله

- قبل جنت أني وحبيبي ( هو جان يحجي وياها ويباوع عله باب الحديقه من كالت هيج اندار عليه بسرعه وعيونه تجدح نار هيه كملت كلامه) بربك اسيد يعني منين اعرفه المدينة كله تعرف شنو هل مكان

- صدكً ماسالتج

- بعدين تسألني حرك سيارتك وخلي نروح شي مطعم ميتتتتتتته جوع

حس بيه عرفت شراد يسال وهربت من السؤال. بس وين تروح. منه. اول وتاليه توكع بيده اخذه المطعم فخم وراقي يليق بحضره النقيب اسيد تعشوا أخذو كم صوره صارت الساعه ١١:٠٠ باليل رجعوا للبيت بالطريق.

- اسيد

- نعم

- تريد ترجع لبغداد

- اي

- ليش متتبات يمنه وبأجر اصلا أني رايحه وياك

- لا

- الطريق مو أمان باليل واصلا انته تعبت اعتقد طول النهار بالسياره

- افكر

- ترى وصلنه للبيت

- سدي الموضوع

سكتت. وكالت بداخله ( طبكً مرض ) وصلو البيت من نزلو دخلو شافت امه واحمد اخوهه وصلاح ابن خاله كاعدين يشربون جاي بالحديقه من شافت صلاح كالت. بصوت ناصي بس اسيد سمعه (( هذا شيسوي هنانه))

- كلتي شي

- لابس اسيد بات اليوم اهنانه ووعد. شتريد. حسويللك

- تسوين دون اعتراض

- ابد حلكي مافكه

- ماشي خلي افوت اسلم

من دخلو نهض ابن خاله وكال بغضب

- بعد وكت. ليش. راجعين هسه جان نمتو برى

اسيد راد يفلش راسه بو** بس ذهب لزمت ايده وعيونه تتوسله لهذا كال

- العفو منك بس منو حضرتك

- هه .... أني صلاح ابن خال ذهب

-أهلا وسهلا ...... أني النقيب اسيد زوج ذهب

كاله ولزم أيد ذهب وسحبه عليه الحركه الي خلت صلاح يطلع من البيت وهو يثور

بعدهه اسيد سلم على احمد وام ذهب وفهمهم انو همه اتاخرو لان هو اصلا راح يبات اهنانه وتدرون العرس قرب وعدهم هواي تجهيزات

كدر يسكتهم ذهب دخلت وهو بقه هو كاعد وياهم