SINAMAHAN ako ni Hendrix na dumaan muna sa bahay ng isa kong tita bago n’ya ako ihatid sa radio station, on the way naman kaya ayos lang. Tumawag kasi si Mameng Herms kaya imbes na magtsutsuktsakan pa sana kaming dalawa ay hindi na lang natuloy, pinapakuha raw kasi ni tita ‘yong ginawa n’yang sabon na siya namang ginagamit ni mameng.
“Liliko ako sa kanto na ‘to, ‘di ba?” pagtatanong ko kay Hendrix na nasa shot gun seat ngayon dahil nauto ko siyang imamaneho ko ang bago n’yang sasakyan na naman, isang 2014 Mercedes Bens SLS AMG Black Series. Well, collector naman kasi ‘to ng sasakyan kaya kahit mga dating labas na mga sasakyan at nakakaligtaan n’yang bilhin ay tamang hagilap pa rin siya.
“Bahay ng tita mo, hindi mo maalala? Sa unahan pa ‘yon, darling,” anito na may dala pang patutsada.
