Kinaumagahan ay ang dami kong naririnig na usapan sa labas ng office.
Parang medyo nagkakagulo sila sa labas. Ano na naman kayang problema? Hindi kaya gawa ni Tita Xiarie? Ngayon kasi ang dating niya sa bansa.
Naligo at kumain muna ako bago tapusin ang mga kailangan kong gawin ngayong umaga.
Nag-ring ang cellphone ko kaya agad ko itong kinuha. Tumatawag pala si Klinver. Bakit kaya? Masyado pang maaga para sunduin niya ako.
"Hello, Klinver?" bungad ko sa kaniya.
"May TV ka ba sa office mo? Buksan mo saglit at ilipat sa balita," utos niya sa akin.
Hindi ako masyadong nanonood ng balita ko kung ano, kaya ngayon ko lang ulit mabubuksan ang TV sa aking office.
"What?" gulat na sabi ko.
Bumungad sa akin ang mga larawan na nasa mall kami ni Klinver. Sumunod ay ang mga larawan na m
