“Don Simon, they are waiting for you,” abiso ng kanyang sekretarya na si Felicia.
“Sige, susunod na ako,” walang emosyong tugon niya.
Yumuko ito bago lumabas ng kanyang opisina. Napabuga siya ng hangin at muling nilagok ang baso ng alak na iniinom niya. Pakiramdam niya ay hindi siya makahinga kapag naiisip niya ang mangyayari sa araw na iyon. Nakailang salin pa siya ng alak sa kanyang baso bago siya lumabas ng kanyang opisina. Tinungo niya ang conference room kung saan nabutan niya ang siyam na minor stockholders ng Romero Holdings.
Nang makaupo siya sa kanyang pwesto ay nilapitan siya ni Atty. Regalado.
“Don Simon, he’s here,” bulong nito sa kanya.
Nabaling ang tingin niya sa apat na kalalakihang pumasok sa conference room. Sigurado siya na ang tatlong may edad na lalaki ay mga aboga
