Dahan-dahang iminulat niya ang kanyang mga mata. Muli siyang napapikit nang salubungin siya ng nakakasilaw na liwanag. Kinusot niya ang kanyang mga mata at muling dumilat. Napahawak siya sa kanyang ulo, sobrang kirot nito at bahagya pa siyang nahihilo. Nararamdaman din niya ang pananakit ng kanyang katawan. Nagtatakang tinanggal niya ang kumot na nakatakip sa kanya. Napakunot-noo siya nang mapansin niya na nakasuot lang siya ng malaking t-shirt at tanging underwear lang ang pang-ibaba niya. Pinakiramdaman niya ang kanyang sarili kung bukod sa pagkirot ng mga sugat niya ay may kakaiba pang masakit sa kanyang katawan. Nang masiguradong walang ibang kakaiba sa kanya ay tumayo siya, pasuray-suray na tinungo niya ang pintuan.
Naningkit ang kanyang mga mata nang mabungaran niya ang nakatalikod
