Malalim na ang gabi ay hindi pa rin dalawin ng antok si Juan Miguel. Hinihintay niya kung tatawag muli ang estranghera. Umaasa siya na walang masamang nangyari rito. Binaling niya ang tingin sa natutulog na si Calleigh. Pinilit niya ang asawa na mauna ng matulog. Gusto rin sana nito na hintayin kung ligtas ang taong tumutulong sa kanila. Pumayag lang ito na matulog nang ipangako niyang gigisingin niya ito oras na tumawag uli ang kausap.
Halos walang tulog si Juan Miguel. Gusto sana ni Calleigh na ipagpaliban muna nila ang pagpunta sa storage unit. Pero sabi ng kanyang asawa na importante na makuha agad nila ang package.
Ipinarada ni Juan Miguel ang sasakyan sa tapat ng storage unit. Kinalas nito ang suot na seatbelt at binalingan siya.
“Sweetheart, stay here. Huwag kang lalabas, baka ma
