Sa buong panahon na kasama ni Calleigh ang asawa habang nasa Henderson sila ay mas lumalim ang nadarama niya para rito. Napa-aga ng dalawang araw ang pagbabalik nila sa hotel dahil sa biglaang investor meeting ni Juan Miguel.
Kasalukuyan siyang nasa art room at abala sa pag-uukit nang tumunog ang doorbell. Kunot-noong hininto niya ang kanyang ginagawa upang alamin kung sino ang nasa labas ng penthouse. Tinignan niya ang screen ng monitor, pero hindi niya makita kung sino ang nasa labas. Bumuntong-hininga muna siya bago niya pagbuksan ang pinto.
Napasinghap si Calleigh nang biglang itulak siya ni Briana. Napatumba siya at tumama ang kanyang katawan sa malaking decorative vase, nabasag ito. Ramdam niya ang kirot na gumuguhit sa kanyang likuran hanggang sa kanyang balakang.
“You bi*ch! Ang
