"JAZZ, tikman mo nga itong bagong flavor na ginawa ko," sabi ni Daniela sa kanyang kaibigang si Jazz.
Kasalukuyan siyang gumagawa ng bagong flavor ng kape para maraming madagdag na flavor na pagpipilian ng mga customer nila.
Hindi siya sigurado sa kanyang panlasa kaya kailangan niyang ipatikim muna ito kay Jazz at baka hindi ito mabenta kapag hindi masarap.
Lumapit ito sa kaniya at tiningnan ang ginawa niya. Kumunot ang noo niya nang makitang inamoy-amoy pa nito iyon na animo parang asong gutom na gutom. Kulang na lang ay dilaan nito ang lagayan ng ginawa niya.
Hindi niya mapigilan ang matawa sa ginawa ng kanyang kaibigan dahil dinilaan na nga nito ang gilid ng lagayan. Kaya nang makita niyang sa mismong loob na nito balak gawin ang pagdila, ay inawat na niya ito at mabilis niyang hin
