"DANI, anong gusto mong kainin?" tanong sa kaniya ni Jazz.
Hindi niya namalayan na mag-alas otso na pala ng gabi at hindi pa sila nakapag-hapunan ni Jazz dahil sa sobrang dami ng customer nila kanina. Kaya hindi nila napansin ang oras. At isa pa ay hindi pa siya nakaramdam ng gutom dahil marami siyang nakaing merienda kaninang hapon.
Bukod doon ay busy rin ang utak niya sa kakaisip sa lalaking estranghero kanina na basta na lamang siyang nilayasan matapos ibigay sa kanya ang flowers and chocolates. Gusto niya sana itong ihabol para ibalik pero mabilis itong nawala.
Kaya tuloy ay hindi siya tinantanan ni Jazz sa katatanong hanggat hindi siya umaamin kung ano ang score nila ng estranghero.
Ano ba ang dapat niyang sabihin kay Jazz? E, wala naman talaga silang relasyon no'ng lalaki. Dahi
