NAGULAT si Daniela, nang si Justin ang mapag-buksan niya ng kanyang pinto. Ni hindi niya ito inaasahan na makitang muli simula no'ng gabing itinuturing niyang pinakamasakit na nangyari sa kanya.
Ang buong akala niya nga ay hindi na muling mag-krus ang landas nila. Pero ano 'to? Ano'ng ginagawa nito sa harap ng condo niya? Ano na namang kalokohan na gagawin nito sa kanya ngayon? Hindi pa ba sapat dito ang sakit na ibinigay nito sa kaniya no'ng isang gabi? O, baka may nakalimutan pang sabihin. Muli na namang bumangon ang galit niya dito nang makita ito.
Tumaas ang kilay niya, nang suriin siya nito mula ulo hanggang paa. At kitang-kita niya ang kakaibang emosyong gumuhit sa itsura nito. Hindi niya lang alam kung ito ba ay natutuwa o nalulungkot dahil kitang-kita niya sa mga mata nito ang pa
