Kinabukasan ay nakiusap muna si Daniela kay Jazz na hindi na muna papasok sa araw na 'yon. Wala pa kasi siya sa mood na magtinda dahil pagod pa ang katawan niya sa haba ng biyahe nila kagabi ni Chad. Idagdag pa ang kadramahan ni Justin kagabi na kararating lang nila tapos nag-dadramahan na sila. Kaya halos hindi rin siya nakatulog buong magdamag dahil naiiyak siya tuwing naiisip niya ang paghingi nito ng tawad sa kanya. Hindi niya talaga inaasahan na gagawin iyon ni Justin sa kanya, ang humingi ng tawad at makiusap na bumalik na siya dito. Masyado siyang nasaktan kaya hindi gano'n kadali na patawarin ito. At saka baka kunwari lang din 'yon para muli siyang maloko nito. Iyon ang ayaw niya nang maulit. Hindi pa siya ganoon ka-t*nga na konting drama lang nito ay bibigay na siya. No way! Mahal
