3RD PERSON POV
DUMAAN ang mga araw na parang nakatapak sa ulap ang pakiramdam ni Heiley. Ang salitang 'saya' ay hindi sapat para ilarawan ang kanyang nararamdaman ngayon.
Hindi niya mapigilan ang pagsilay ng magandang ngiti sa kanyang labi habang tinutulungan sina Ferni at Dennie dito sa Cafe.
Dahil motivated at inspired kaya naman mabilis niyang natapos ang mga paperworks ng kumpanya. Ngayon ay may free time na ulit siya, kaya sa halip na nakatulala sa loob ng kanyang opisina ay mas minabuti na lamang niyang tulungan ang dalawa dito sa Cafe.
Nagkakatinginan na lamang naman sina Ferni at Dennie na puno ng pagtataka dahil sa nangyayari sa kanya.
Hindi naman alam ng mga ito ang dahilan kung bakit maganda ang kanyang mood kaya sabay pang napakibit balikat ang dalawa at saka nagpatuloy
