SINISIKAP kong magpaka dalagang pilipina at hindi maapektuhan sa gandang lalaki ng amo namin. Pero lord, patawad nalang talaga! Minsan ay may mga pangyayari talaga na hindi ko hawak.
Katulad nalang ngayong umaga. Narinig kong umalis ang sasakyan ni Senyorito Xander kaya buong akala ko ay umalis na siya para pumasok sa opisina. Dali-dali kong kinuha ang mga gamit sa paglilinis at laundry basket. Umakyat ako sa kwarto ni Senyorito Xander. Nakasanayan ko na rin na nakikipag chismisan sa kaibigan kong si Norlyn habang gumagawa ng mga gawaing bahay kaya nakalagay sa tainga ko ang earphones ko habang nasa bulsa naman ng uniporme ko ang cellphone ko. Masyado yatang naka-focus ang buong atensyon ko sa kinukwento ni Norlyn tungkol sa bumisita daw kay Senyora Aurora na anak ng kaibigan ni Senyora
