ALDEN:
MASAYA, maingay at magulo kaming naghapunan kasama ang buong pamilya ni Larah dito sa unit. Gusto pa nga sana ng mga itong dito matulog pero binigyan na muna kami ng privacy si Larah. Nangako naman silang sasamahan kami bukas ni Larah na magpunta sa private clinic ni Doc Arra Del Monte para sa pagpapakonsulta ni Larah at nang masimulan na rin ang treatment sa mga nasunog nitong balat lalo na sa mukha nito.
Napahinga ako ng malalim habang nakatanaw sa malayo na may dalang beer sa kamay. Nandidito ako ngayon sa balcony ng unit na nagpapahangin. Nagpapadalaw ng antok. Kanina pa nahihimbing si Larah sa kama namin pero hindi ako dalawin ng antok. Ayoko namang istorbohin ang pagtulog nito kaya lumabas na muna ako ng silid.
Napatuwid ako ng tayo na maramdaman ang pag-vibrate ng cellph
