Tumaas na muna siya sa kwarto ng Tiyahin at nagbihis. Nangamoy siyang ulam kaya kailangang magpalit siya ng suot niya. Nakakahiya namang may maamoy sa kanya na hindi kaaya-aya ang ibang tao. Nakita na rin niya ang Tiyahin na mukhang handa na ring bumaba para kumain. Nakabihis na ito ng body hugging na damit na lalo pang nakikita ang magandang hubog ng katawan nito. Sana all na lang sa Tita niya. Mukhang may pinapagandahan ito.
"Let's na po Tita kung maganda. Para makakain na tayo. Nagluto ako ng paborito mong Bicol Express."
"Talaga? Nakaluto ka nun?"masayang ani nito. Paborito rin kasi talaga nito ang Bicol Express.
"Opo. Nag crave ako sa paboritong ulam natin. Kaya niluto ko rito. Mapapalaban tayo nito sa kain. Dinamihan ko nga ang kanin na sinaing ko para hindi tayo mabitin."
Bumaba
