"Mom, naiinis ako sa babaeng nililigawan ni Aaron. Iyong mismong janitress niya sa sarili niyang resort! Ano kaya ang nakain ni Aaron para ligawan ang babaeng iyon? Oh well... maganda iyong babae pero kahit na! Janitress?" sabi ni Ezra sa kaniyang in.
Umarko ang kilay ni Riz. "At ano naman ang masama doon kung magustuhan ng kababata mo ang kaniyang janitress?"
Umirap si Ezra. "Mom... hindi mo po ba naiintindihan ang point ko? Sa dami ng babae dito na anak ng mga negosyante at may ari ng mga malawak na lupain, doon pa talaga? How come naman?"
Bumuntong hininga si Riz. "At ano naman ang pinupunto mo? Minamaliit mo ba ang trabaho niya? Baka nakakalimutan mo na isang janitor lang din ang daddy mo. Pero ano ang nangyari? Nagsumikap ang daddy mo at hindi namin inasahang pareho na aangat siya
